Vengchhung Aw

@. Kan vengchhungah hian hmeichhe naupang kum tlinglo zu rui hi an va tam ta ve Biak in leh zelah pawh a rim nam in an inkhawm ngam tawh a nia. Mipa aiin hmeichhe naupang an la tam zawk zui a. Nu leh pa te kan in enfiah a va ngai tehlul em.                                                - Lucy

@. Leitlahniam hi tuman an siamṭha thei silo a, Hunthar ṭhalai hian kan siamṭha mai dawn a mi?                                - Hunthar tlangval

@. |henawmte tan pawha ninawm khawpa thawm bengchheng chhuah ching kan la awm fo mai, mahni leh kan chhungkua kan timualpho tih hria ila, a ti ṭhin te’n sim thuai ang u.            - Scorpio.

@. Ram changkang ah pawh zu hi an lo in ve nasa tho mai, chutih rual erawh chuan khawlai leh mahni inchhunga buaina chawkchhuaktu atan an hmang velo niin a lang. Kan mawl vang nge kan hawizauh tawk loh vang, zu kan nam tawh chuan danglam deuh hleka khawsak hram kan la tum hi in enfiah deuh chu kan ngai a ni.    -Pawngvina

@ Buh tuh tu chuan buh bawk a thar ṭhin a, sunhlu kungah  pawh theidang a rah ngai hek lo, kan bawlhhlawh paih fimkhurloh chu fur ruahtui an tlak meuh chuan keimahni bawkin kan then a ngai lehta chu a nih hi.
                - Ṭhaduha

@ MLA thlan hun chu kar lovah kan thleng leh dawn chu a ni reng mai. Party ruihchilha a dik adawk pawh thlu hmanlo pa leh nutling kan vir leh suau suau mai ang tih a hlauhawm hle. Ram hmangaihtu dik tak thlang chhuak turin ngaihtuahna i hmang ṭan teh ang u.        - Neutral

@ Thu ṭha tak sawi a, thil ṭha tih awm chuang silo mi chuan amah leh amah a in bum a ni.
                - Apocalypto