MITTHI LUMEN ZAN

-Margareth-i Pu

     Mizo te hi kan pi leh pu te aṭanga hnam in hmangaih tak leh in ngaihsak hnam kan ni ṭhin a. Tun hun thlenga kan la chhawm tamtak zingah mitthie lumen chungchang hi in ngaihtuah tlang dawn teh ang.
     Kan veng chauh pawh nilo Veng tamtak ni kan mitthi lumen dan ah hian insiamṭhatna tur leh in enletna tur hi kan nei ve in ka hre ṭhin. Veng pakhatah tun hnai mai khan ka han tlaivar ve a entawn
tur tamtak awm in ka hria a, engemaw tizawng tal a a ṭhazawng a kan lo chhawr ṭangkai theih takin i han chhin teh ang. Mitthi lumen tura lokal reng reng inchhung lamah an lut vek a mahni thiam tawk tawk in an zai vek a hmuh a nuam danglam khawp mai. Hla chang sawitu tur pakhat in sawi reng lovin an inthlak deuh reng a, an thiam leh thiam loh lam anngaihtuah lem lova, hruaitu ten i sawi hun an tih chuan i he lovin an sawi mai a ni. Zanlai pelh ah khuangkhat zai an nei leh a , muzical Instrument nen an han zai an han vawr leh a, zai a mawi in tumah han muthlu hmel pawh hmuh tur a awm lova, nuam ti takin an zai vek mai a ni. Eitur a han sem zova tumah hawn nghal tum an awm lo, kham lo takin khawvar thlengin hlim hmel pu takin an zai tlaivar a ni.
     Kan ngaihtuah zui leh a a ni lah taka mi lungngai khawhar hnemtur a kal kan ni a, pawn vela han ṭhut pawh a thlamuan thlak thova, mahse in chhungah ah han lut in zai han han vawr tlang ṭhap ṭhap ilang chuan Lusun chhungkaw tan pawh hian a thlamuan thlak leh zual ngei dawn si a, an rilru na pawh nasa takin kan chhawk ngei a rinawm. Hawh u kan veng zaithiam veng kan nih hi lusun hnem nan nasa lehzual in i hmang ṭangkai ang u.