Kumkhat hnuah Nuai 80 chuang siama kawngpui siam chu kal theih lohin a awm...
Hunthar Veng, Leitlahniam chu tunhnaia ruahsur avangin a tlahniam nasa hle a, kar laihawl velah phei kha chuan lirthei kal theih loh khawpin a tlahniam hman a ni. He kawng chhiat avang hian Aizawl khawpui Traffic a buaiphah nasa hle a, Company peng aṭanga Temple thlengin a zam deuh reng a ni.
He kawng tlahniam hi PWD ten rang takin an buaipui nghal a, nimin thleng khan kawng tlahniam hi cheiṭhat hna thawh mek a ni a, he thu buatsaih lai pawh hian cheiṭhat hna hi thawh mek zel a ni. He lai kawngpui hi nikum maiah khan nuai 80 chuang sengin siam a ni ve a, siam aṭanga rei lo te ah Blacktopping a khawk ṭana, kum khat a tlin meuh chuan kawngpui atana lei an chhunvum chu 4ft. vel laiin a tlahniam ta reng mai. Hetiang em em mai a kan vengchhunga hnachhia an thawk hi vengpa tan chuan a lungchhiat thlak hle.
Helai kawngpui pawimawh tak hi siamṭhat a ni leh ngeiin a rinawm a, veng hruaitu te mai bakah vengpa te chuan a chhiat aṭhat kan enpui ngun hle a ngai tawh dawn niin a lang.
0 comments:
Post a Comment