Tunlai Khawvel leh Ṭhalaite-2

( Kan Mizo sakhming kan sawisak dan hi)

    Ziak leh chhiar leh thu leh hla lam a mi tuihnang tha ka nih loh zia chu tuna ka thu ziah chhiartu te hian i-he lovin min pawmpui ngei ang. Amaherawhchu a tulna in min urthlu ngang a ka ngaih vang chauhin tui hnar tha chu nei lo mah ila; luipui tui fim tak pawlh nu tawk chauh in he ka tuihnar hnam ve faih faih hi in sah baw hawk teh ang. Khawnge maw  “belruak apiang a ring” an tih tak kha mawle. Kei mi mawl, bel satliah mai mai pawh nilo, belpui lian ṭha tawk tak hian ziakmi te leh fingvar zawkte sawi duh miahlo hi ^t so nan in hmang khek leh vawng vawng ang hmiang.



    Heng, kan mithiam te leh thu leh hla lam a kan miril tak tak te hian a ruh lang rawt rawt in han sep kual vel ta se, keia mimawl teirawlai nileng ve mai mai lo phul ve hluah ai chuan sawinawm/ngaihnawm daih awm zwk si a. Amaherawh chu he lam kawngah hian an thiamna leh finna te an upbo tlat si avang hian insit tak chung leh phulo inti chung chungin khawnge kan buan veleh chhin pauh a nge.

Zo-Sap te hnutchhiah nge changkanna thluak thawl vang ?:
    Eng kan ti ta nge kan Zoram hi. “Hnamah kan chianglo sumah kan chiang” tih hla thu te pawh kha anna kan nei tan ta riau a hriat na ka nei pek a. A bikin thangthar te zingah a hluar hle mai; Mihring hming pawh niawm a mawi lo hliah hliah te hi zah nachang hre miah lovin an han hmang thla ve zen a. Thawk-a-phit a saptawng  “use” chhen ho hi ka lo ning ru ve em em thla ngawt a kei mimawl hian. Khawvel hnamdang ten min tawm ve theih miah lo, kan Mizo hming sipisial na em em kan hming tawp a ‘ I ‘ leh ‘ A ‘ awm thin kha tunlai thangthar zawk te hian zuk hmang tha fumfe duh tlat lova.  Nge, a mawl tawk chauhin kan changkang zawk, mahni Culture zahpui tawk chauhin kan fing kan ti zawk dawn. Thenkhat te chuan ‘facebook, twitter leh friend zone etc. ah leh thil ho te te-ah alawm kan hman, thil pawimawh ah chuan kan hmang ngai chuang hlei hnem’ kan ti mai thei. He thil hi a dik na chen awm mahse heng kan nitin khawsak ken tel ve hmang hian remchang kan lak thiam a duhawm tak zet a ni. Tunlai san ah facebook, Twitter leh Friend zone etc te hmangin hnamtin chitin chitang kan in bepawh tawn tawh a, khang I thil hman thin hmang khan I hnam sakhming sak/phuah dan ngei mai hi I chawivul/lar ve dawn lawm ni..Mizo te chuan kan hming tawp ah ‘I' leh ‘A’ kan hmang thin tih hi, aw…he khawvel hian hria se ka van ti tak em. Sap nel-nual, Vai nel-nual, Mizo nel-nual etc hmanga kan Mizo sakhming kan sawisak dan hi changkanna thluak thawl vang kan ti dawn em ni ang?

    Chawhpawlh hawrawp ka ning!
    Kan ṭhian ṭhenkhat te pawh he lam kawng sualah hian an tlukluh ve avang hian a sawisel tu nih chu thih hreh em chuan hrehlo mah ila ka huphurh na ngiang mai. Mahse le(h) Hmangaihna in ramri a kham lo’ an ti a mi kha (Thianpa Soma , “Sawma” tihtur niawm tak a ni Renthei hian a chian ka ring, an tih  leh tih loh ka la zawt chiang deuh ang) chuvangin thiantha nihna hian tuntum zet chu ramri i kham tir lo mai teh ang. Jon Zira (Zonun hnualsuat a Jon tih hming pu ta) te, Jass Khiangte te hian hmelma en hian min en tlat tawh ang tih chu ka hlauthawng hlel love. Tunlai thalai te hian kan hawrawp hmandan ah tunai a kan hman fimkhur a tul tak zet a ni. Kan Mizo alphabet inrem dan tur diktak kan Zo-Sap ten min siam sak chung pawha a dik lo lulai lutuk a kan hmang thin hi chu kan in ennawn atan a tha khwp mai. Entirnan: Hnam hmingah-Zahau-Jahau/ Kawlni-Colney/Tochhawng-Tochhong etc. Hemiah chauh pawh nilovin kan hming ziaha kan hawrawp hman dan mawlh mai hi ngaimawh tham a ni. Entirna pakhat intarlang leh lawk teh ang. Eg: Lalrinmawia Kawlni ti a ziah turah Lalrinmoya Colney. Hetiang thil hi official tak tak a hmang te pawh kan awm ta nual a, kan mi hmasa leh hranghlui deuh te chuan lo hmang mahse an ni tihsual atang hian keini thang lo thar zel te hian in siamthat nan kan hman a tul tak zet a ni. Hei hian kan culture leh tradition zawi zawiin min pawlh dal hret hret a ni tih kan hriat atan ka duh tak meuh meuh a, Chimral hlau em em kei ni mizo thalaite hian chimral nilovin keimahni leh mahni kan inti ral mai mai zawk a ni lo maw? Thing sawi nan a “ A Zo ṭiah ṭiah” tih tawngkam kan la chelek fo mai te hi mahni mawng hlim mai kan ni tihte pawh hi inhriat a hun tawh khawp mai.

    Mahni Culture kal pela thil tih reng reng hi hnam boralna leh mahni ngei pawh engmah lo mai a min siamtu a ni. Hnam chindan leh khawsak dan hi chawinung a, a chhe lai thawm tha chung zel a keini thalai te hian ke kan pen hi a hun tawh tak zet a ni. Mahni culture hnualsuat a mausam tu inih chhung chuan chawimawina nopui emaw, tangkapui za chuang pawh awrh tlep ter tuar mah la, Padma Shri emaw eng Shri shri emaw pawh dawng mah la, miten mahni hnam tiboral a, hnam dang cuture chawivultu; hnam boral fapa tiin an la sawi tho tho ang che.

    A tawp ber atan chuan ziakmi nilo ziak hrata’n ka vei zawng khingbai deuh tak mai, theihpalingkawh a ka ziah ve te min chhiar zawh sak ta rau rau avangin he thu ho te hi a tawp khar nan leh lawmthu sawina ni pah fawmin  kan zep tel leh hram ange.

Ti boraltu nilovin a chhelai siamtha tu  Zoramhmangaiha lo ni ang che.