COMPUTER AṬANGA WHATSAPP KHAWIH DAN

Thil ṭul te:

• Computer ah leh i phone ah Internet Connection a awm a ngai.
• Whatsapp account i neih ve ngei a ngai.
• Computer lamah Internet Browser (Chrome, Firefox, Opera, Safari, Edge) version thar ve tak i neih a ngai bawk.

WhatsApp Web hi heng Android, iPhone 8.1+, Windows Phone 8.0 and 8.1, Nokia S60, Nokia S40 EVO, BlackBerry leh BlackBerry 10 smartphone aṭang te in a hman theih a ni.


A TIH DAN:

1. Web Browser aṭangin web.whatsapp.com ah i lut ang a, QR Code a lo lang ang. (Google aṭang pawhin web.whatsapp.com tih hi search tawp la a lo lang mai ang)

 2. I phone ah Whatsapp hawng la:

•     Android: Chats screen aṭangin > Menu > WhatsApp Web.
•     Nokia S60 leh Windows Phone: Menu > WhatsApp Web.
•     iPhone: Settings > WhatsApp Web.
•     BlackBerry: Chats > Menu > WhatsApp Web.
•     BlackBerry 10: A screen a chung lam aṭangin i hrut thla anga> WhatsApp Web.
•     Nokia S40: A screen hnuailam aṭangin i hrut chho ang > WhatsApp Web.

3. QR Code scan na turin a Camera kha a lo in hawng anga, i computer-a QR Code lo lang kha i scan ang.

4. Whatsapp chu i computer screen ah a lo lang ve tawh mai ang.

    Whatsapp Computer aṭanga khawih chhung hian Phone nen a in connect reng a ngaih avangin internet on reng a ngai thung. I phone a lang ang ang kha i Computer ah a lang ve dawn a ni.