RAM LEH HNAM HUMHALH

RAM LEH HNAM HUMHALH

Central YMA Kumpuan Ram leh hnam humhalh tih thupui hi a pawimawh kan ngaihtuah tawk lo nge, kan ngaihtuah peih lo zawk? Kum puan a nih aṭang khan helam hawi Article kan hriatsual loh chuan kan la dawng miah lo. Mahse, he ram hian a mamawh chu a ni phawt mai, Kum puan ah hial hman a ni lawi si. Midang chochhuahna a nih beiseiin tlem ang a zawng chauh sawi i’n tum teh ang.

1) Sumdawnna-ah : Sumdawnna kawngah hian a bikin vai kan tihte hi mizo hian kan khan lo hle. Ram hla tak aṭanga lo kalin kan ramah an rawn sumdawng ṭhin. Han chhut chian tak tak chuan heng sumdawng ho reng reng hi d^n lova sumdawng deuh vek an ni nghe nghe. Chuti si engtin nge an tih theih reng kan ti a ni maithei, a chhanna tawite chu Mizo te hian hlawkna tlemte it avangin kan hming kan hawh tir ṭhin a ni. Heng kawngah hian Branch tamtak in hma a han la dawn a, an thlavang hauhtu Mizo kan lo ther fur zel nia! Hetiang zela kan kal chuan kan Ram a sumdawnna zawng zawng deuh thaw hi hnamdang kutah a la tlulut lovang tih sawi a har hle. Tunah hian kan veng hi kan la fihlim rih a nih pawhin fimkhur taka kan kal loh chuan vengdang harsatna tawh ang hi kan la hmabak ve mai ang tih a hlauhawm.

2) Nupui Pasal ah : A bikin kan Mizo hmeichhiate kan fimkhur zual a ṭul. Hnamdang pasal a nei kan ṭhahnem hle a, chu chuan harsatna min thlen mek a ni. Hei hi kan hriat a ṭul; hnamdang pasal a kan neih hian kan fate hi Mizo an ni thei tawh lo tih hi. Vai kan neih chuan keimahni leh kan fate zawng zawng nen vai kan ni ve tih hi in pawm ngam tur a ni. Mizoram a chen rei tawh avangte Kristian Sakhaw zawm avang ngawtin Mizo hi a nih theih loh. Mipate pawhin hnamdang nupui a tan a neih hi Ram leh Hnam tan a him chuang lo tih hriat nawn fo a ngai. Nu leh pate pawhin kan fate helam kawngah hian zirtir u^r
deuh deuh zel ang u.