Hunthar Branch Y.M.A Volleyball team-te Final lut

Hunthar Branch Y.M.A Volleyball team-te Final lut
( Hunthar Branch YMA 2-3 Kulikawn Branch YMA )

    Central YMA leh MVA buatsaih D-3 Inter Branch Y.M.A Volleyball Tournament chu kan Branch Y.M.A Team leh Kulikawn Branch YMA Team te chuan final match ni 6/10/2012 khan Electric Veng Hall-ah an khel a, vanduaithlak takin  kan Branch YMA team te hi deciding set -ah 2-3 in kan vanduai ta hlauh mai. He tounamentah hian mipa team 47 leh hmeichhia team 23 an tel bawk.

    Inter Branch Y.M.A Volleyball tournament hmachhawn tur hian thla khat liamta vel aṭang khan Players ten inbuatsaihna an nei ṭan a, Library building-ah camp an nei a ni. Inbuatsaihna ṭha tak neih theihna atan hian vengchhung mipuite ṭawiawmna nasa tak dawn a ni a, sum leh pai ah pawh ṭanpuina ṭhahnem tak dawn a ni a, a lawmawm hle.

    Tournament pual hian Jersey pawh pahnih lai dawn a ni a, pheikhawk dawn a ni bawk. Final kalna kawngah hian 2nd round-ah Zemabawk chu 3 - 0 sets in kan hneh a, Pre - quarter final-ah Muanna veng chu 3 - 1 in kan hneh leh in quarter final-ah Ramthar North 3 - 0 in kan hneh leh bawk. Semi Final-ah Nursery chu deciding set khelin 3-2 in vanneih thlak takin kan hneh leh a, final kan in beng thleng ta a ni. Final-ah hian Kulikawn Branch nen kan inkhel a, (he thu kan chhiar hi chuan result kimchang kan hre tawh ngei ang) he thu buatsaih lai hi chuan result kimchang kan hre hman lo.

    Hunthar Branch volleyball team-te hi Dong Dong Departmental Store, Zonun Enterprise, Alsce Enterprise ten min Sponsored a, Directorate of F&ES ten Rs.5,000/- lai min pe bawk. Heng bakah hian vengchhung mi inphalte aṭangin thilpek tam tak dawn  a ni a, kar leh issue-ah kimchang zawkin tarlan a ni ang.