Hringnun ah hian harsatna leh manganna te, lungngaihna leh beidawnna ten hmun nasa takin a luah thin a, tamtak hi keimah nin kan insiam chawp thilte a ni thin. Hlimna kan duh a kan zawng a, hlimna kan zawnna lamah hian lungngaihna tamtak kan tawh phah thin ani.He khawvela kan chen chhung hian kan nun kan uluk a pawimawh hle mai.Engngemaw kan pumpelh theih reng kan insumtheih loh avanga mahni nun ti chhe ta vek te, thil ho te avanga mahni nun hial la duh te pawh mizo te zingah kan va tam ta em.Tuna he hringnun hmang mek te hi chuan kan nun uluk ila,kan thiltih sual avanga lungngai a beidawng mai lovin huaisen takin kan hma a harsatna hmachhawn ila, engtik ni ah emaw chuan kan tan hlimna ni a herchhuak ve ngei ang.Hlimna hi a zawnna hmun dikah zawng la, ruihtheihthil leh mipat hmeichhiatna hman khawlohna leh sum leh paia duhamna ah hian hlimna tluantling leh lungawina famkim a awmlo ani tih hi theihnghil ngai suh ang che.Midangte tana malsawmna ni turin in buatsaih la,taimakna leh tumruhna nen he hringnun hi hmachhawn ang che, tichuan i beisei hlimna leh lungawina famkim chu i hmu ngei ang.Mi taima leh thawk tam a piang ten lungawina chu an neiin an hmu thin a, nu leh pa te thawhchhuahsa ringa nawmchen tum leh mi thatchhia ten hlimna leh lungawina famkim an nei ve thei ngailo a ni. Hlimna leh lungawina i duh a, i zawng a nih chuan a zawnna hmun tur hria ang che.
19 August 2012
Search & Rescue
Search & Rescue
Search & Rescue hi dinhmun hlauhawma dingte leh hliam ṭanpui ngaite hnena chhanchhuahna hna a thiam bik ten an thawh ṭhin a ni. He thil hi kawng hnihin an kalpui theih a ni.
1. Community Local Rescuer (Tualchhung chhanchhuaktu) : Lirnghing, thlipui kangmei leh tuilianah te fimkhur taka invenlawk dantur ruahman lawk vekin tualchhung miten a hlim chhawnah a thawh ve theih a ni.
2. Outside Community Resources : Dinhmun khirhkhan bik, tualchhunga chhanchhuah hna thawk theite thiamna leh theihna piahlam thil a ngaihin chutiang lama thiam bikte an ruai ṭhin.
Thlipui, lirnghing. leimin leh tuilian vangte a chhiatna a thlenin, mipuite chu inchim, bungrua leh hnawlten a chhilh ṭhin a, ṭanpui vat annih loh chuan nunna tam takin a tuar hial ṭhin. Hetiang huna mipuite chhanchhuak tur hian rescuer (chhanchhuaktu pawlte) an inpeih reng a ngai a, chutianga inpeih renga awm tur chuan trianing ṭha tawk an neih a ngai a ni.
Search & Research thiltumte :
1. Chhiatna chi hrang hrang, lirnghing , thlipui, leimin, kangmei, in chim te avanga bungrua chhia leh hnawlin mi a delh mekte a rang thei ang bera chhanchhuah.
2. A ṭul anga First Aid pek vat a, damdawi in leh inenkawlna ṭha zawka rang taka thawn.
3. In chim avanga vanduai mangkhawng awm apiang hlauhawm lo tura siamfel.
4. Mitthi ruang hai chhuah, an chhungte hnena hlan leh ruang hlawmtu neilote a phum tute hnena dik leh fel taka hlan.
5. Mipuite hnenah hmanrua phuahchawp ṭangkai taka hman an nih theih dan zirtir leh anmahni an him theih nana tihdan tur kawhhmuh.
Enge Rescuer te Duty :
1. Chhiatna dinhmun hriatchian : Chhanchhuahna hna thawh hmain a hmun hma chu han chim theih leh hlauhawm na te a awm em tih finfiah hmasak tur a ni. Chubakah engtia hmalak nge ṭha ber ang ti a, rorel tur a ni. Mawlmang taka tawngtaw zuan luh mai hian pawi thui zawk a thlen thei.
2. Chanchin /Thu leh hla lakkhawm : Khawtlang hruaitute a bikin Disaster Management Committee te leh Upa zawkte thu leh hla ngaihchan fo a ṭha.
Observation (Belhchianna):
Chhiatna dinhmun ti chiang turin hengte hi an ṭangkai a ni.
1. Enchian : Uluk takin chhiatna thlen dan leh a nghawng thilte mit ngeiin belhchian hmasak tur a ni.
2. Beng Dawh : Chhiatna thlenna khawtlang mipuite hnen aṭang te, sawrkar record aṭangte leh chin hre deuh tura ngaihte hnen aṭangin thil hriat ngai a awm ṭhin a, chungte hrechiang tur chuan beng dawh peih a ngai a ni.
3. Ruahmanna Rintlak : A chunga pahnihte rilrua hre rengin, a hlauhawm bik lai leh kan hmanrua leh theihna in a tlin tawk ngaihtuahin ruahmanna siam ṭhin tur a ni. Heng kan han tarlan bak pawh hi Chhiat rup na thleng a kan hriat tur tamtak a la awm a. Karleh lam Issue ah rawn tihchhuah leh tum a ni.
HUNTHAR CONSUMER BRANCH TIH CHAK A TUL
HUNTHAR CONSUMER BRANCH TIH CHAK A TUL
- Mama Pu
Inverter ṭhalo lei tir vangin `800/- chawi tir, Seventh Day Adventist Kohhran, Sialsuk chuan 2010 khan ab Biak In-a hman tur M/s Electric House, Dawrpui aṭanga Inverter thar an lei chu a chhiat avangin an khing a, Dawr neitute hian `8000/- an chawi. Handset ṭhalo Spartech Mall, Dawrpui South aṭanga an hralh, a leitu Lalrindika Tuikual South in a khin avangin `5000/- dawr neitu ten an chawi bawk a. Tin, NANO Car siamṭhatsak loh vangin National Business Enterprises, Khatla te chuan a khingtu Dr.Aichhunga Champhai hnenah 5000/- an chawi bawk a ni. (Source- Consumer Chhantu).
Mi zawng zawng hi Consumer kan ni vek mai a. Mahse, kan dikna leh chanvo kan hriat tawk loh avang hian namnul kan ni leh ṭhin a, engemaw tak hi chu kan hlohin kan chan ṭhin a ni tih hi a lang reng mai. A chunga tarlan te pawh khian an dikna leh chanvo an humhalh ṭha hle a, an fakawm hle a ni. Dawr neitu te laka Unfair Trade Practice Act in min humhalhna an tilang ngam a ni. Mithiam ten, “Dan hriat loh hi zahzel a tling lo” an lo ti ve bawk si a. Dan kan hriat loh avang hian kan him dawn chuanglo tihna a nih chu. Kan lungawi lohna te hi ngawih bo pui lovin, tih lan zel a, a ṭul phei chuan Consumer Forum ah te theln zel chin hi a ṭha hle.
Ho mai mai anga lang, entirnan- Printed Price aia sanga thil hralh te, buk tling lova thil hralh te, Gas emaw Retailer pawh nise DAN kalh vek a ni. Sumdawng ten an advertisment nen- a inmil lo a thil an tih chuan khin theih a ni a. Dawrkai te hian minlo ngaihsakin minlo bengkhawn tur a ni a. An dawr a kan thil zawh reng reng kha kan hriat duh angte min hrilh kha an bat a ni. Damdawi zuarte pawn damdawi thi min lei tir tur a ni lova. Doctor te pawn damdawi thi in min enkawl tur a ni lo bawk a ni. Alu zuartute pawn an alu zawrh lai kha a lian lian thlan an phallo ngawt thei lo a ni. Consumer kan nihna anga kan chanvo hrang hrang te hi kan hriat loh mai bakah, kan theihnghilh ṭhen leh ṭhin bawk si a. Ho mai mai anga lang hi kan ngaihthah fo chuan siam ṭhat leh harsa tak a ni. Heng thil chi hrang hrang hi kan hriat tur a nih bakah Consumer Protection Act, 1986 in kan dik na min humhalhsak na vek a ni. Heng bakah Weight & Measure Act te, Essential Commodities Act te ṭangkaina hriat hi a pawimawh hle a ni.
Mizoram Consumers’ Union hi 1995 a din tawh kha niin, chumi hma pawn Mizoram Telephone Subscribers’ Union te, Mizoram Consumers’ Electric Association te, Mizoram Gas Consumers’ Union te leh Cable TV Subscribers’ Union te din alo ni fur tawh a. Heng pawl hrang hrang te hian an mahni zawnah consumer te dikna leh chanvo te humhalhin hma anlo nasa em em ṭhin a. A ṭul angin Sawrkawrah pawh rawtna chi hrang hrang an thlen ṭhin a ni. A hrang ahraia pawl hrang hrang hmalak ai chuan tiin pawl khatah inhlawm khawmin Mizoram Consumers’ Union hi alo ding ta ni.
Mizoram Consumers’ Union Gen. Hqrs hnuaiah Hunthar Branch hi recognised a ni a. A din kum leh a ṭobul tak chu hre fumfe lo mah ila, Branch chak tak zawng a nilo deuh tih a hriat theih mai awm e. Veng ṭhenkhatah leh khaw ṭhenkhatah hi chuan Consumers’ Union te hi an chak em em a, a mimir tan an chhen fakawm ṭhin hle a ni. A nihna takah chuan Consumers’ Union te hi Voluntary organisation a ni a, hlawk duh ringawt a thil ti duh tan a sawt vak awm love. Amaherawhchu, kei mahni mimal ṭheuh tan thil ṭangkai tak a ni lawi si a, kan chanvo min humhalhsak thei tu an nih bakah kan zualko na turte an nih ve tlat na lai hi a ṭangkaina lai tak chu a ni. Kan Local Council lam te pawh hian han phurpui thei se, vantlang inkhawm te ko in, in thlan ṭhat te hi han huaihawt pui thei selang chuan a hlawk ngawt hian ka ring. Consumer lama ṭhanharhna (awareness) chak taka kal ṭhin hi veng hian kan tawn hriat ve ngei a ṭul hle a ni.
NUNGCHA HUMHALH
Tun tumchu thupui dang deuh hlek in hmang teh ang. Tunlai chhanah in zirtir ngai tawh awm lo taka lang ni mahse kan la mamawh leh in zirtir ṭul tak a la ni reng tho mai. Heng nungcha te hi Siamtu’n kan enkawl leh kan chenpui tura a siam te an ni a, mihringin kan nawm kan mak a kan thah mai mai tura a siam a ni lo a ni. Naupang lam zawk hian hma kan sawn viau zawk mai a. Puitling zingah tunlai hun thlenga sa la kap thin leh la chang thin te kan awm zawk tlat mai. Kan in enfiah a ngai a, a humhalh lama kan ṭan tlan angaiin a ṭul tawh em em ani. Tunlai hun Khawvel changkang tawhah hetiang tih ching kan la awm hi a pawi a, a ṭhing tawh takzet a ni tih chiang taka kan hriat a ṭul hle mai. Heng kan rama nungcha te hi a chhunga cheng ten a humhalh lam aia a tihrem lama kan kut kan ti hlei zawk anih chuan awmloh hun leh mang hun an la nei anga, a tuartu tur chu keini ho tho hi kan ni dawn a ni. Siamtu hian in ring tawna mamawh in pe tawn tura a tih kan ni a, hei hi chiang taka kan hriat a pawimawh hle a ni. Tin, kan ram chhunga Ramngaw leh lui te pawh hi kan duat thiam a va ṭul tawh em. Neitu rilru pu in a chhunga cheng te hian enkawlin humhalh ila, kan tu leh fa te tân hna ṭha tak thawk kan ni ngei ang. An ṭangkaina leh mihring nuna an pawimawhna te hi chu tu te pawhin kan hre tlang turah ngai ila, mahse a enkawl leh kan cheibawl danah hian a neitu kan ang lo thin khawp mai. Kan luitui te pawh tur hmanga la hrai duh tawk te kan la awm fo ṭhin hi a lungchhiatthlak tak zet a ni. Kan ta, kan ram, kan dam chhung mai ni lo kan tu leh fa te pawhin tual an la rawnchaina tur a nih avangin tuna cheng mek te hian mawhphurhna sang tak kan nei a, Zoram nuam, khawtlang nuam siam tur hian nungcha humhalh kawngah hian i harh thar zel ila, hma i sawn zel ang u.
Vengchhung Aw
@. Ruahsur laia Little Light School kawt atanga tuihawk rawn luang chhuak thin hi a bul step-ah a luang chhuak thin a, tuiluankawr (side drain) a awm loh avngin he lai step hi nakinah chuan he tuihawk hian a tihchhiat a hlauhawm mai bakah ke a kal te tan harsatna a siam thin avangin siamthat thuai nithei se. Tin, tui rawn luang chhuak thin hi helai lo ah hian luan tir dan a awm chuan a lawmawm hle ang. - Team Ramdev
@. Kan veng hian tan lak thar kan ngai khawp mai, tunhnaiah kan veng hming thatna/ thanna tur ang chi a ri khat ta hle mai. Khawtlang hruaitu te,kan nu leh pa leh khawtang mipui te i tang tlang teh ang u. Heti ringawt chuan eng kan ang thei dawn love.. - Buai-Buta
@. Khawtlang hruaitu te inhma lakna afakawm thin e, khawtlang nek zawng leh zah loh zawng a khawsa leh che chu dim miah loh tur. Hruaitu tha nitur chuan mihuat hlawh ngam hi tunlai chhanah chuan a ngai tawh tlat. - Habakuka
@. Hnam dang ten Mizoram (Aizawl) an rawn chuangkai a,kan veng (Hunthar) chu kan Mizoram khawpui kawtkai ber ani si a, lohtheihlohna avngin kan veng chu an rawn hmu ta ngei a, mahse kan veng hmel lanna ber Company peng hi hmuh nuam kan ti em? Hnamdang te hmuh atan kan kan iai lo reng em ni? Tiang belbul a kanhruaitu te hian an dah reng theih mai nile..!! Heiai a mawihnai deuh hi chuan a chei theih ang mawle..MP fund, MLA fund etc. te hi hman tangkai dan han ngaituah teh u’n..Mahni pumpui tanghma chauh hi i ngai lo teh ang u.. - Team Anna
@. Kan veng hian tan lak thar kan ngai khawp mai, tunhnaiah kan veng hming thatna/ thanna tur ang chi a ri khat ta hle mai. Khawtlang hruaitu te,kan nu leh pa leh khawtang mipui te i tang tlang teh ang u. Heti ringawt chuan eng kan ang thei dawn love.. - Buai-Buta
@. Khawtlang hruaitu te inhma lakna afakawm thin e, khawtlang nek zawng leh zah loh zawng a khawsa leh che chu dim miah loh tur. Hruaitu tha nitur chuan mihuat hlawh ngam hi tunlai chhanah chuan a ngai tawh tlat. - Habakuka
@. Hnam dang ten Mizoram (Aizawl) an rawn chuangkai a,kan veng (Hunthar) chu kan Mizoram khawpui kawtkai ber ani si a, lohtheihlohna avngin kan veng chu an rawn hmu ta ngei a, mahse kan veng hmel lanna ber Company peng hi hmuh nuam kan ti em? Hnamdang te hmuh atan kan kan iai lo reng em ni? Tiang belbul a kanhruaitu te hian an dah reng theih mai nile..!! Heiai a mawihnai deuh hi chuan a chei theih ang mawle..MP fund, MLA fund etc. te hi hman tangkai dan han ngaituah teh u’n..Mahni pumpui tanghma chauh hi i ngai lo teh ang u.. - Team Anna
@. Hruaitu tha chuan a thiltih in mi ahneh thin. Fakmawi chawp leh chemawi chawp ngai hruaitu chuan hnunglamah mi nuih a hlawh thin. - Belte-Sazara
@. Tawp si, thing si..zan lamah lah thim si, street light pawh nei thei hlei lo veng in ni’ min tih ka hlau e. - Liandova
@. Kan vengah hian chhungkaw tlem te khawtlang thiltih/ hmalakna zah na nei miah lo an awm an ti..a mawl tak leka chapo leh nghal.. - Buai-Buta
@. Mahni tlin lohna hmulo tu tlin lohna chu thuk tak a ni.
- Taitesena
18 August 2012
Tualchhung (19Aug.2012)
Lusun
Ni 12/8/2012 (Pathianni) Zan dar 7:30 khan Pi Lalnuntluangi d/o Thanchungnungi(L) K-39, (K.Sec) chu TB natna avangin a boral a. Lumen pui niin a tûkah Hunthar thlanmual ah vui liam a ni.
Ni 15.8.2012 (Nilaini) Chawhma dar-10:30 vel khan Nathanael Soren k-45, (V.Sec) Kunga Auto Works a Mechanic chu Stroke natna vangin a boral a. Hemi ni hian Hunthar thlanmualah vui liam a ni. A mah hi Kristian niin Jharkan mi a ni.
Lusun chhungte Hunthar Aw Editorial Board ten kan tawrhpui hle.
Kawngpui Humhalh Ṭul
Van neih thlak takin kan veng kawngpui te metal Road a ni deuh vek a. Heng kan kawngpuite hi humhalh thiam a ṭul hle a ni. Mi ṭhenkhat ten Border leh Cubic leng te kawngpui ah kan bun leh mai ṭhin a, hei hian kawng a tihchhiat ṭhin avangin he mi kawngah hian veng mipuite fimkhur turin kan in ngen.
Bo zawn hnatlang
Dt.15.8.2012(Nilaini) khan Central YMA in a ruahman ang in Tetea leh Ruthi te bo zawn na ah Hunthar Branch YMA chu Sihhmui ah kan tel ve a Hnatlang mi za chuang kan thawk chhuak a a lawmawm hle.
Hnatlang nei
Dt. 11.8.2012(Inrinni) tlai khan Local Council hmalak na in ruahsur in kawngpui dunga bawlhhlawh a rawn len chhuah chu thenfai hnatlang neih a ni a. Bawlhhlawh hian Motor kal harsa khawp in kawngpui a hnawh a, hemi tlai hian thenfai nghal a ni.
Ni 12/8/2012 (Pathianni) Zan dar 7:30 khan Pi Lalnuntluangi d/o Thanchungnungi(L) K-39, (K.Sec) chu TB natna avangin a boral a. Lumen pui niin a tûkah Hunthar thlanmual ah vui liam a ni.
Ni 15.8.2012 (Nilaini) Chawhma dar-10:30 vel khan Nathanael Soren k-45, (V.Sec) Kunga Auto Works a Mechanic chu Stroke natna vangin a boral a. Hemi ni hian Hunthar thlanmualah vui liam a ni. A mah hi Kristian niin Jharkan mi a ni.
Lusun chhungte Hunthar Aw Editorial Board ten kan tawrhpui hle.
Kawngpui Humhalh Ṭul
Van neih thlak takin kan veng kawngpui te metal Road a ni deuh vek a. Heng kan kawngpuite hi humhalh thiam a ṭul hle a ni. Mi ṭhenkhat ten Border leh Cubic leng te kawngpui ah kan bun leh mai ṭhin a, hei hian kawng a tihchhiat ṭhin avangin he mi kawngah hian veng mipuite fimkhur turin kan in ngen.
Bo zawn hnatlang
Dt.15.8.2012(Nilaini) khan Central YMA in a ruahman ang in Tetea leh Ruthi te bo zawn na ah Hunthar Branch YMA chu Sihhmui ah kan tel ve a Hnatlang mi za chuang kan thawk chhuak a a lawmawm hle.
Hnatlang nei
Dt. 11.8.2012(Inrinni) tlai khan Local Council hmalak na in ruahsur in kawngpui dunga bawlhhlawh a rawn len chhuah chu thenfai hnatlang neih a ni a. Bawlhhlawh hian Motor kal harsa khawp in kawngpui a hnawh a, hemi tlai hian thenfai nghal a ni.
Dawr Rawk
Ni.8.8.2012 zan khan Pu Lalawmpuia te dawr rawk a ni a, hetiang tih ching te’n arang lama sim a ṭha khawp mai. Tunlai hian vengchhung ah rukruk ching an awm avangin veng mipuite i fimkhum ang u.
SIDEDRAIN SIAMṬHAT HNATLANG NEI
SIDEDRAIN SIAMṬHAT HNATLANG NEI
Ni.15.8.2012 (Nilaini) zingkar khan NGO Joint committee hmalakna in Singson Petrol Pump bul Sidedrain chu siam\hat hnatlang neih a ni. Singson Petrol Pump luhka kawng an siam hian Sidedrain a hnawhphui avangin kawngpui ah tuihawk nasa takin a luang ṭhin a, hei hian bawlhhlawh tamtak kawngpui ah a hnutchhiah ṭhin avangin a bul vela chengte leh khawtlang tan harsatna nasatak a thlen ṭhin a ni.
Singson Petrol pump te hi hun rei tak aṭang tawh khan siam\ha tura hriattir an ni tawh a, hmalakna a awm mai loh avangin hetiang hnatlang hi neih a lo ṭul ta a ni. Hemi ni hian hnatlang thawkchhuak an ṭha hle a, Local Council leh PWD lamin JCB pakhat ve ve an rawn thawhchhuah pui a ni.
Khawtlang hmasawnna tur atana hruaitute hmalakna mipui lamin kan thlawp ṭha ṭhin hle a, a lawmawm takzet a ni. Amaherawh chu harsatna siam kan awm leh zauh ṭhin hi a pawi hle a, vengchhung hmasawnna atan hian kan zavaia kan ṭanrual a ngai tak meuh meuh a ni.
