Tunlaiah mi tam tak chuan YMA leh Kohhran an dah hrang fo \hin. Hei hi ngaihtuah chian ngai deuh a ni.Engvanga YMA awm nge? Engvanga Kohhran lo ding ta nge tih hi kan chhut nawn fo a pawimawh takzet a ni.
    YMA lo awm chhan chu kohhran vang a ni a, tunhma chuan inngheng tawn reng \hin a ni. Tun hma chuan YMA thl tih ch kohhranin a zah em em a, kohhran thil tih chu YMA-in a zah \hin. Tun hnuah hian mi tam takin Kohhran leh YMA hi kan dah hrang deuh ta niin alang. Hei hi, kan ngaihtuah ngun loh vang a ni.
    Kan sakhuana leh khawtlang inrelbawlna hi, Mizo Kristiante  miziaah chuan kal khat reng a ni a, ka thawh ho zel pawh a pawimawh hle a ni.
    Veng/Khua changkangah chuan Kohhran leh khawtlang hruaitute an thawh hona a \ha \hin a, chutiangah chuan rah duhawm tak a chhuah \hin a ni. Chuvangin,Kohhran leh YMA leh khawtlang hruaitute kan thawh ho hi a pawimawh tak zet a ni tih kan hriat a \ul a ni.

Read More

Hunpui Kan Thleng leh Dawn ta

    He  khawvel eng hmu tura rawn ṭap chhuak bâi bâi ve tawh phawt Zo-fate zingah chuan he hun hian kan hring nunah ṭuan leh mang ata tawh phat rual lovin kan thinlungah nghet takin bu a khuar ṭheuh awm e. Mitin in erawh kan tum dan leh ngaihruat angin kan hmang thei chiah lo a ni mai thei; amaherawh chu, he hun kher hi chuan minawlpui te min deh dan chu hun dang anglo takin, tunlai tawng takin kan pâr chhak loh pawhin kan chuai râi zel zawng a nih tâk ṭhin hi maw.
    Mahni duhdan leh nuam tihzawng ang pawh a hmang ve thei lo an kat nuk lai a, ṭhenkhat Siamtu beisei leh duhdan ang pawh hmanglo an ther ferfur mai te, perhpawng chirî pawh tluk lova lo chiri ve ta biah biah  hmuh tur awm te,neinung deuh te tan men raza hun leh nei ve lemlo te tan pawh men razu hun, chawlhni tuk a sa hmeh leh hmeh loh chung chang khel thama nei chhungkua te tan pawh hmuihmer hne khawp a chet lak hun an inherchhuah dan aṭang hian, he hun zet hi zawng hun danglam anih zia a hril chiang hle awm e.

    A tawp berah chuan ka unau duhtak, he hunpui lo thleng tur atan hian hun chhinchhiah tlak leh chhuanawm i neih theih nan hna thawk la, sulhnu chhui apianga ṭahna thlentu i hnutchhiah loh nan; fimkhur takin he hunpui lo thleng tur atân hian inbuatsaih rawh le.  

Read More

MAWHPHURHNA HLEN

    Pathianin he leiah hian chhan neiin min siam a, lo pianga, seilian a thihni nghak leh ngawt tur chuan tumah hi a siam a rinawm loh hle. Kan mawl emaw kan fing emaw keimahni phak tâwk ṭheuhah mawhphurhna hlen tur nei ṭheuh kan ni. Mawhphurhna leh tih tur nei reng reng lo mihring chu hrin man awm lo, khawvel êng hi lo hmu lo zawk se a tan leh midang tan pawh a ṭha hial zawk ta ve ang.
    Chungkua, khawtlang leh kohhranah mawhphurhna hrang hrang neiin kan awm hlawm a, kan mawhphurhna hi eng angin nge kan hlen thin tih hi tun tuma sawi kan tum zawk tak chu a ni. Mi ṭhenkhat chu chanvo leh nihna an chelh ve duah a, a eng a mah tih ṭhat nei lovin kan awm fo thin. Hetiang mi hian chhungkua, khawtlang leh kohhran an ti thuanawp fo thin. Chhungkaw tana thawk ve tur kan nih laia chhungkaw tana hnawksak mai nih te, kohhran member ni ve si inkhawm leh kohhran thil tih ngaipawimawh hauh si lo te, YMA member ni ve tho si YMA thil tih ngaihsak miah lo nih te hi zah nachang hriat a hun ta hle. Mawhphurhna kan la peih lo a nih chuan member nih loh ngam mai te hi a huaisen thlak phian zawk awm a sin.
    Thahnemngai taka mawhphurhna hlen hram hram ṭhin te avang hian Chhungkua, khawtlang leh kohhran pawh mualpho lutuk lovin a la kal thei ni te hian a lang ṭhin. Eng pawlah pawh member kan nih chuan mawhphurhna kan kova tla eng emaw tal chu a awm ngei ngei ṭhin a, midang tih ngawt lo ral thlir kan ṭhathnemna hmun a piangah pawl a chak lo mai thin. Mahni din hmun ṭheuh in bih chiang ila, pawl tichak lo tu  nge tinung ṭhin tu ka nih tih te hi i in zawt nawn thin ang u. Mawhphurna kan neih chu a sang emaw a hniam emaw keimahni zawn ṭheuhah tihlawhtling turin ṭan la thar sauh sauh teh ang u khai.

Read More

DAMCHHAN

    Pathianin mihringte hi chhan nei vekin min siam a; mahse, dam chhan nei pawha inhre lo leh kan dam chhan tura Pathianin min tuk hre lo va, mahni duh zâwng zâwng hawia nung mihring hi kan ṭhahnem viau âwm a sin. Sum leh pâi, in leh lo, thiamna leh hmingthannate hi a hlu vek mai; mahse, kan dam chhan tura min siamtu remruat chu he mi piah lam thil hi a la ni cheu si. Kan Bible chuan mihring dam chen tur a sawi chu kum sawmsarih emaw kum sawmriat emaw vel chauh niin a sawi a. A rei loh tehlul nen, hemi thleng pha lova boral ta pawh an ṭhahnem viau bawk; a reina chu thawhrimna leh lungngaihna mai tiin tlâng min la kawmsak a ni.

Read More

Boruak muanawm kan siam thei em ?

    Tun hnaia kan vengin harsatna lain tak kan tawh chu rukruk hmang te an zalenta hi a ni awm e. Tun thla leh thla hmasa chhung ngawt pawh khan dawr rawk, inchhunga mi Gas bur ruk chhuah leh thil bo hrang hrang sawi a tam hle a ni. Heng thil rutu te hi ka hriat sual loh chuan man mumal pawh an la awm lo a ni. Tin, han rinhlel tur takngial pawh hre lova kan thil a bo ta fo mai hi a zia lo hle a ni. He thil hian kan veng boruak a tinuamlo hle a, nun a ti ralti hle niin a lang. Man chhuah an nih loh avangin vawin thleng hian huangtau takin an la che zel a ni ber mai; khawtlang mipui kan tanrual loh chuan heng thil hi kan ti reh mai dawn lo niin a lang.
    Vanneihthlak takin Hunthar Siamtha Pawl ten theihtawpin hma an la a, zan rei tak thleng han duty pawh an nei zauh zauh bawk. An ni hi member tam an nihloh avangin veng mipui ten kan tawiawm tha lo a nih chuan an hmalakna ringawt hi chu a tawk lo fo tih i hre thar ang u. Tin, Gas bur te hi an ruk hian a tlangpuiin a rang thei ang ber a hralh hi an tihdan a ni a, veng mipui ten mi hralh ruk lo leisak ching te hi kan awm em tih te hi inenfiah chu a tul khawp mai. Hetiang veng reng ruangah rukru pahnih khat zalen taka kan chet tir fo hi a tha lo hle a, man chhuaka tireh ngei turin tan lak a tul tak meuh meuh a ni.
    Veng nuam tihna hi in leh lo ropui leh mawiah a innghat ber lo fo a, thlamuang leh hlim taka chen ho dial dial theihna veng hi veng nuam a ni chawk. Tun anga kan kal zel a nih chuan he veng hi veng hrehawm tak a ni mai dawn a ni. Tu kutah mah innghat ngawt bik lovin veng nuam leh boruak muanawm tak ni turin a chhunga chengte hian tan ila thar sauh sauh ang u. 

Read More

FA NEIH KAN UAR A TUL EM?

      Tun hnaia Assam Forest lam ten Vairengte-a kan Mizopa leiletah ngei ramri chhinchhiahna piller an hmuh thu leh ZNP Party ten an phawi thu kha kan hre theuh awm e. Kha thil thleng khan ngaihtuahna a ti thui hle mai. Tun hma atanga kan ram chhung ta neiha kan lo neih thin pawh alang a pauvin min ran neihsak an tum ta hial te pawh ti ila kan sawi sual kher awm lo ve. A nihna takah chuan heng kan ram kan tih te hi a neitu Mizote hiamn kan luah khat zo lova, ram ruak ang leh mihring pawh chen ngai lohna ni a an hriat avangin huangtau takin heng thil hi an rawn ti ngam ta pawh a ni mai thei.

      A hre deuh ten an sawi dan phei chuan tuna Bagha phai phei zawng zawng Dholai thleng khuan Mizoram chin niin an sawi hial zawk nge nghe. Tunah chuan kan hriat theuh angin Vairengte dai thlengin min rawn chuh a nih tak ber hi! Kasn ramah hian mihring Sq km khatah mi 45 vel chauh cheng ang kan la ni a, ram ruak mihring tlawhpawh mangloh hi kan la nei hnem hle a ni. Central orkarin kum 1990 chho atang khan Family Planning Programme a kalpui a, he programme a maka mak a tam hnam dang aiin keini hnam tlemte hian kan lo la vawng zawk ni hian a lang. Hetiang renga kan kal a nih chuan kan thenawm State pung chak leh tam em em reng te hian kan ram neih chhun hi min chuh buai fo mai dawn niin a ngaih theih.

      Fa tlemte neiha hneh leh felfai taka enkawl kha tha dawn riauin kan hria a, insiam leh indan te kan uar ta hle a ni. Hei hian hlet a chhuah mek zel a kan hnam tan alo him lo hle tih hi alang chiang tan mek a nih hi. Chhungkaw rual atangin ne fa sual chhuak tam a chhungkaw member tlemte atangin tih pawh hi ngaihtuah tham tak a ni. Khawtlangin kan buaipui luai luai tam zawk hi fapa mal fanu mal an ni chawk nia! Khawvel ram hrang hrang han thlir pawh hian hnam tlemte  ai hian a tam lam hi an changkang ta zawk ni hian a ngaih theih. Chhungkaw tlem ai chuan chhungkuaw rual nge nge chu an lo ropui zawk fo a lo ni. Chuvang chuan fa la nei lo leh nei mek pawhin helam kawngah hian kan ngaihtuahna seng ta hlawm ila a tha awm e.

Read More

RAM LEH HNAM HUMHALH

     Ram Leh Hnam humhalh hi a pawimawh hle a, YMA pawhin Kumpuana kan hman lai mek a ni. Ani tak a, chimral nih hi chimral te dinhmun ngaihtuah chuan thil hlauhawm tak a ni reng a. He hnam leh ram hi chimral a nih loh nan kan humhalh a tul hle a, humhalhtu tur chu keimahni theuh hi kan ni.Tu te emaw tihtura kan dah tlat chuan in enfiah kan ngai hle a ni. Hemi kawnga kan ngaihdan leh hmalak kan duhdan erawh chu a inpersan hlawm viau mai thei e.Tharum nen a hmalak duh te, zawldawh taka hmalak duhte pawh kan awm ang. A engber hi nge tha ang tih chu hriatthiam mai a harsa hle.
    India hnampa Pu Gandhi-a chuan Non violence a ngaisang hle a, hemi hmang hian zalenna pawh a sual chhuak a nih kha.Keini mizo te pawh hian kan ram leh hnam humhalh tur hian hetiang kawng hian hma la ve ta ila,  chimral kan ni ngai lovang. Mahse nasa taka kan inzir a, hma kan sawn viau chu a ngai ang. Thalai lehkhathiam leh thiam lemlo te pawh hian taima takin enghna pawh hi thawk ta vek ila, hnamdang tana thawh tur awmlo lek hian thawh hreh neilo tlang ta ila, hnamdang tan chuan awmreina chi a ni hauh lovang le.Tharum hmanga hnawhchhuah kher ngai lovin anmahni an inthiar fihlim mai dawn a ni. Chutiang ni lova kan \hatlai hun leh vanglai te ruihhlo tih nana a tam zawkin kan hmang a, hna thawk peihlo, nu leh pa te chawmhlawm kan tam chhung hi chuan kan dinhmun a ngaihtuahawm hle reng mai dawn niin a lang. Ram leh Hnam humhalh tur hian kan zavai mai hian mawhphurhna kan nei a, chu chu taima taka hnathawh leh thawhhreh neih loh hi a ni e.Taima takin hna thawk la hlawhtlinna i hmu ang. Ram leh hnam humhalhna kawngah tha nasa takin i thawh tih na a ni bawk dawn a ni. Kan zavaia mawhphurhna a ni e.

Read More

NEITU RILRU PU ILA

    Mizoramah hian pawl hrang hrang a van tam ta em.Tanrual hi chakna a ni tih kan hriat hlawm vang nge maw ni? Pawl din mai hi kan awlsam hlawm khawp mai.Chhan tha tak leh tum mumal tak nei a kan din a nih chuan a tha vek mai e.YMA pawh hi heng pawl tamtak zinga pakhat hi a ni a.Mizoram chhungah chuan pawl lian leh ropui ber a ni hial ang.He pawlah hian Mizo thalai zawng zawng te chu kan tel vek a ni ti ila kan sawi sual awm lo ve.Kan veng bikah lo sawi ta ila, YMA ah hian kan veng thalai zawng zawng chu kan tel ngei ang.Mahse YMA in engngemaw hmalakna leh Programme te a siamin, lang ngai reng renglo leh tha thawh tum ve reng renglo thalai kan awm ta nual niin a lang a, he thil hi a thalo takzet a ni.YMA member ni si  Mitthi in leh khawhar ina lang ngai miah lo te, thlanlaihna a hmel hmuh tur awm ngai miahlo tlangval te hian eng rilru nge an put ang aw? YMA hi an ta ah an ngai lo nge chhiatni a YMA tihtur awm zawng zawng hi midang tihturah an dah zawk ni. YMA hi tu ta bik mah a ni lova, kan hruaitu te ta bik pawh a ni reng reng lo. Kan zavaia kan ta,a in ti neitu a piangte ta, thahnemngai taka tha kan thawhna tur;a chhiat a that;a hmingmawi leh mualphona a mawhphurtu te vek kan ni tih hi kan hriat nawn fo a pawimawh tak zet a ni.In ti neitu takin rilru leh tha thawh la, Hunthar Branch YMA hi i ta a ni mai.Chuti ni lova tihtur tulte midang kuta i dah thin anih chuan engtikah mah i inti neitu thei ngai lovang.Siamthat ngai leh kalphung thalo tih danglam duh i neih pawhin midang tihturah dah mai lo la, nangmah ngei rawn pen chhuak la siamthat duh leh siamthat tum tu chu tumahin an dal ngai lovang che,Khawtlang hmasawnna atan a thawk thin leh tanpui ngaite tanpuitu YMA hi midang ta ah  ngai lo la, Neitu rilru pu in khawtlang hmasawnna atan lungrual takin i thawk ho zel ang u.

Read More

Tlawmngaihna pâr a vul

    Mizo te hi hnam tlawmngai tak, kan \hlahtute atang rengin kan ni sa reng a. Tun kum sawmhnih kalta vel atang khan talwmngaihna parmawi tak thin kha a bo hret hret niin sawitu tam tak ten an sawi thin. Chutiang chu kan hun tawn mek a nih chhoh laiin, tun hnaiah Zotlang tlangval leh Ramhlun North nula chu chin hriat lovin an bo a. Aizawl khawpui chhung leh thingtlang hmun hrang hrangah bo zawn hna hi kan Mizo dan angin nisarih chhung ngawrh taka thawh a ni. he thil thleng hian Mizo tlawmngaihna ropui zia nasa takin a hailang leh ti ila a dik awm e.
    Chhiat kan tawh a rilru a thlabar tak tak meuh chuan Mizo nih hi a lo thlamuan thlak hle tih hi sawi hmaih chi a ni lo. Lawmman beisei hauh lova  sum leh pai leh keimahni ngei kan thawkchhuak thin hi a hlutna teh thiam rual a ni awm love. Heng ang thil hi hmundangah pawh a thleng ve thin ngeiin a rin theih a, hetiang tak a inbuaipui leh inthawhpui erawh hnamdang zingah sawi tua a awm a rinawm loh. Tin, tunhnai maiah pawh accident rapthlak tak tak a thelng nual a, heng hunah pawh hian Mizo tlawmngaihna hian mual a liam lo tih alang chhuak zel  a ni.
    Pu Rokunga’n “ Aw tlawmngaihna hlu, aw nuna par kan tlang rem nuam hmun sang hian kum sang tam tak pawh ral mahse zamual liam lovin vul reng la” ti a alo sawi hi i chhawmnung zel teh ang u. Leilung hausakna, sum leh thil chi hrang hrangah hnam dang kan la phalo mailo a nih pawhin, tlawmngaihna-ah ngat hi zawng hnam dang ram dang kan la nagi bik lo tih hi  i vawng nung tlat ang u.

Read More

NUNGCHA HUMHALH

Tun tumchu thupui dang deuh hlek in hmang teh ang. Tunlai chhanah in zirtir ngai tawh awm lo taka lang ni mahse kan la mamawh leh in zirtir ṭul tak a la ni reng tho mai. Heng nungcha te hi Siamtu’n kan enkawl leh kan chenpui tura a siam te an ni a, mihringin kan nawm kan mak a kan thah mai mai tura a siam a ni lo a ni. Naupang lam zawk hian hma kan sawn viau zawk mai a. Puitling zingah tunlai hun thlenga sa la kap thin leh la chang thin te kan awm zawk tlat mai. Kan in enfiah a ngai a, a humhalh lama kan ṭan tlan angaiin a ṭul tawh em em ani. Tunlai hun Khawvel changkang tawhah hetiang tih ching kan la awm hi a pawi a, a ṭhing tawh takzet a ni tih chiang taka kan hriat a ṭul hle mai. Heng kan rama nungcha te hi a chhunga cheng ten a humhalh lam aia a tihrem lama kan kut kan ti hlei zawk anih chuan awmloh hun leh mang hun an la nei anga, a tuartu tur chu keini ho tho hi kan ni dawn a ni. Siamtu hian in ring tawna mamawh in pe tawn tura a tih kan ni a, hei hi chiang taka kan hriat a pawimawh hle a ni. Tin, kan ram chhunga Ramngaw leh lui te pawh hi kan duat thiam a va ṭul tawh em. Neitu rilru pu in a chhunga cheng te hian enkawlin humhalh ila, kan tu leh fa te tân hna ṭha tak thawk kan ni ngei ang. An ṭangkaina leh mihring nuna an pawimawhna te hi chu tu te pawhin kan hre tlang turah ngai ila, mahse a enkawl leh kan cheibawl danah hian a neitu kan ang lo thin khawp mai. Kan luitui te pawh tur hmanga la hrai duh tawk te kan la awm fo ṭhin hi a lungchhiatthlak tak zet a ni. Kan ta, kan ram, kan dam chhung mai ni lo kan tu leh fa te pawhin tual an la rawnchaina tur a nih avangin tuna cheng mek te hian mawhphurhna sang tak kan nei a, Zoram nuam, khawtlang nuam siam tur hian nungcha humhalh kawngah hian i harh thar zel ila, hma i sawn zel ang u.

Read More

RUAHMANNA DIK

Mihring nun hi zirlai har tak, zir zawh hleih theih loh a ni tih kan sawi fo tawh a. Chu hringnun chuan nunphung pangngai a zawh theihna tur chuan ruahmanna dik siam hi thil ṭûl tak a ni. Ruahmanna nei mumal lo mihring tan phei chuan hlawhtlinna hi ban phak maiah hmuh a harsa hle a ni. Zir lai pawhin tum mumal tak neia lehkha zir a ngai a, hmalam hun atana inbuatsaih chunga lehkha zir ṭang ṭang ṭhinte’n hlawhtlinna an chang nge nge ṭhin.

Kut hnathawktu pawh chutiang bawk chu a ni. A ṭul apiang thawh mawl tawp ngawt hi hlawhtlinna kawng dâltu a ni fo ṭhin. Taihmak, tumruh leh beih hram hram hi a pawimawh hle rualin chumi phenah chuan ruahmanna felfai leh dik siam hi nunphung pangngai zawh tur thil ṭul chu a ni. Khawvel mihlawhtling ber ber a kan ngaih te hi han belhchian tak tak chuan ruahmanna fel leh dik siamṭhin an ni deuh vek mai. Siamtu hian tumah hi rethei leh hausa bik turin a siam lova; hlawhchham tur bik pawh a siam a rinawm lêm loh bawk. Chuting chung chuan vawiin a kan dinhmun erawh a inthlâu hle bawk si.

Read More

KHAWHAR IN RIAH

Kan khawhar neih hnuhnung bera K.Sec Leader thusawi kha han tuihnih ve leh ṭulin ka hria. He thu hi Branch YMA Committee pawhin a lo chai hial tawh a ni. Hmun ṭhenkhatah pawh kan veng ang tho a khawhar riak tur awm lohna a awm ve niin a lang. Branch Committee chuan helam kawngah hian inzirtir thar leh deuh ṭulin a hria a, kan ṭan lakna tur tlem han sawi ila a tha âwm e. Kan veng sûk thlêk han thlir leh nu leh pa tam zawk han kawm nikhua hian, khawhar in riah bansan mai hi chu kan la ui tlang deuh niin a lang. Khawhar chhungkua pawh riak tur an awm loh chuan an la hawihai deuh tlat bawk. Chutiang chu kan din hmun a la nih si chuan tlangval tlawmngaite’n khawhar in riah hi kan uar thar leh sauh sauh chu a la ṭul a ni. A awl zawnga han thlir phei chuan tlangval hei zozai hi kan

Read More