Lung delh loh thing delh loh na na na chu kan lo \hang lian ve zel a, zirna lamtluangte zawhin, mi te dinhmun leh rualawhna changte hriain kan lo \hang lian ve zel a, khawvel ram zau tak ni \hin kha tunlai changkanna khawvel avangin ram zimte a lo chang zo ta.
Showing posts with label Dawn Tisei. Show all posts
Showing posts with label Dawn Tisei. Show all posts
12 September 2016
11 November 2012
DAWN TISEI
Mahni hnam tih dan leh kalphung hnual suata hnam dang te tih dan la a, deusawh leh diriam taka mahni hnam hnuai chhiah ṭhin ṭhangthar te hian in ennawn kan mamawh tak zet a ni. Mahni rama kan thawh zah leh ngam loh pawh mi ramah chuan mawng vawmba tih ang deuhin kan kat dawr dawr a; Abdula leh Dul lem lova te’n kan inngaihtuah chhung hian kan thawh tur zawng zawng an thawk zo mai dawn! Lehkha thiam ten hna thawh tur an hmuh lohna ramah hian thiamve lemlo Burma Mawia te chuan an thawk seng mawlh si lo. Ka unau..Obama aia i bam bikna engmah a awm chuang lo.
Rualbanlote meuh pawhin pawl tân chuan tiin sawrkar lakah nuar an chhuah ngamna Zoramah hian Zo-fate’n kan nun hman dan hi “A VA MAK EM ”
- HC. Rodinmawia
Rualbanlote meuh pawhin pawl tân chuan tiin sawrkar lakah nuar an chhuah ngamna Zoramah hian Zo-fate’n kan nun hman dan hi “A VA MAK EM ”
- HC. Rodinmawia
4 November 2012
Dawn Tisei
Mite chuan pianpui BA an neih laiin keini ve zawng pianpui unau kan nei ve ṭawk a. Mi faten thil ṭha ṭha leh chhuak thar apiang an neih theih laiin ṭhianpa Zotea te tan zan thla êng hnuaiah lungsi tak chunga pangti n>m han nghen dar dar tur pawh he khawvel chawhnu lam tawhah pawh hian kan ngaihtuah chhuah pui zo lo zawng anih hi maw ! Hetiang teh deuh nuaia (nuai kan neih ve theih dan awm chhun) hring nun inkar ki lutuk kan sut chhoh buan buan tak si avang hian keini a kara thu han thai ran thlak ve zen pawh hi mite nuih kan tiza ang tih pawh a hlauhawm rum rum thei mai dawn a lawm. Mahse le(h) kei ai a fingvar zawk leh ai < ten ka zaka dêk dan an thiam laklawh tawh a, hre reng chung pawh hian an sawi duh loh ṭha ṭha ( a chhia nge ṭha thliar thiam a har ṭhin khawp mai) hi in mawl phuan pui leh bûan bûan mai teh ang hmiang.!
Hun, kum leh thla ni tam a liam ve ta, kan veng pawn a chhia a ṭha hmasawnna kan hmu chho ve zel a, heng kan thil tawn chhoh mek te hian kan khawtlangah engtiang chiahin nge min nghawng tih hi kan chhut chian a ṭul tak meuh mai. He veng hian a kum telin tlawh tu kan nei chho tam telh telh a, heng kan khual chhawntu, a mi chengte mai bakah kan vengchhung inrelbawl dan leh nunphung khawsak hian heng kan khualte fakleh rel hi kan hlawhin kan hlawhlo mai dawn a ni. Vengchhung mipuite hian pheikhai rual tak a kan len ho theih mai bak piah lamah kan khawtlang hruaitu te pawh hian he kan veng mamawh thil te hi hria a, en liam mai mai lo hian ngaihtuah chhuak a, din a siam turin a ṭan an lak leh zual a ṭul tak meuh meuh a ni.
Hei ai a khawtlang nuam leh changtlung zawk kan siam theih nan khawtlang mipui te leh hruaitu ten theihtâwp in hma ila tlang leh teh ang u.
Hun, kum leh thla ni tam a liam ve ta, kan veng pawn a chhia a ṭha hmasawnna kan hmu chho ve zel a, heng kan thil tawn chhoh mek te hian kan khawtlangah engtiang chiahin nge min nghawng tih hi kan chhut chian a ṭul tak meuh mai. He veng hian a kum telin tlawh tu kan nei chho tam telh telh a, heng kan khual chhawntu, a mi chengte mai bakah kan vengchhung inrelbawl dan leh nunphung khawsak hian heng kan khualte fakleh rel hi kan hlawhin kan hlawhlo mai dawn a ni. Vengchhung mipuite hian pheikhai rual tak a kan len ho theih mai bak piah lamah kan khawtlang hruaitu te pawh hian he kan veng mamawh thil te hi hria a, en liam mai mai lo hian ngaihtuah chhuak a, din a siam turin a ṭan an lak leh zual a ṭul tak meuh meuh a ni.
Hei ai a khawtlang nuam leh changtlung zawk kan siam theih nan khawtlang mipui te leh hruaitu ten theihtâwp in hma ila tlang leh teh ang u.
- HC. Rodinmawia
7 October 2012
Dawn Tisei
Beiseina nung nei tura inzirtirna khawvelah hian tungchhova kalte chuan beiseina kan nei zêl a, chu kan beiseina chuan kan nun pawh nasa takin a ti danglam thei ṭhin a ni. Mihringte kan khawsak ho na-ah pawh kan chenpuite, kan chhungte, kan nu leh pa leh kan unaute, kan ṭhenawm khawveng te chungah ngei pawh beisei kan nei ṭhin. Kan beisei anga awmlo leh beisei phalo lutuk te chu kan lakah an tlatlum thei ngailo a nih hi. Mahse a beiseitu te pawh hian a chintâwk kan hriat a ṭha khawp mai. Khawtlang anga kan inenkawlna ah leh kan thawh hona ah pawh hian hei hi kan hriatreng fo a pawimawh hle a ni. A bik takin kan vengchhung bik han sawi ta ila, YMA, Local council te leh tlawmngai pawl dang te pawh i chunga thil ṭha ti tur hian engchin hi nge thawk se i tih le? I inbul huan leh Vantlang kawngte fai taka enkawl reng turin i beisei em? In chhungkaw buaina emaw, I inbula zurui hawklak bengchheng siamte rawn khap dai zung zung tur ten i beisei ṭhin em? Heng kan sawi tak te hi chu chhungkaw tin ten mahni a kan tih theih vek a ni a, kan in leh a vel te hnatlanga tih fai kan beisei reng a nih chuan kan in enfiah hle a ngai ang. Kan inbula buaina leh bengchheng siam ṭhinte pawh YMA leh Siamtha pawl te chinfel tura dah zel ṭhin kan ni anih chuan insiamṭhat deuh kan ngai tih na a ni. Pawl anga hmalakna chi leh a hu ho a thawh chi chu a awm nameuh mai; Tuna kan in beisei danah erawh hi chuan thlak danglam deuh ngai chu a awm niin a lang. Kan beisei anga an awm loh chuan in sawiselna leh in hmuh thiamlohna te a thleng fo ṭhin si a. A chintawk kan hriat tlan a ṭul tak zet a ni.
2 September 2012
Veng mi hlun
Veng mi hlun nih hi tupawhin kan duh vek mai a, kan chenna hmunah hian hlun nih hi kan duh vek mai. He lei ram mi kan ni lo tih hla sa chung reng si hian a hlun ber nih tumin kan theih tawpin kan inchheka, kan hlun loh thu hrilh kan nih chuan engphiarin kan tang ṭheuh chu anih si hi maw.
Kan vengah pawh hian tu hi nge mi hlun? Mi hlun chu engtia teh tur nge ni ang? A buaithlak khawp mai.. A rui pawr apiang hian mi hlun an nih thu a pawt pui a, eng hun laia lo tei lut ve ngawt nge tih pawh hriat lohte pawh hian mi hlun kan nih thu kan uanpui ve tho mai. Veng mihlun nihna hi hlawhchhuah chi a ni lo va, awm rei zawnga teh chi lah a ni hek lo. In leh lo nei ṭha a piang mi hlun an ni lo va, in leh lo nei loh vanga mihlun nih theih loh pawh a ni hek lo. Veng mihlun nihna chu rilru aṭanga lo chhuak a ni zawk.
In leh lo neih vangin mihlun an ni kher lohna chhan chu an in leh lo chu hralhin an pem mai thei a, eng ang pawn awm rei tawh mah ila , he veng aia ngelngheta in bunna hmun tur an buatsaih mek pawh a ni thei. In leh lo nei lo pawh ni se lunghah tum tlat mi pawh a awm theih tho bawk.
Mi hlun chu hetiang mi hi a ni -
Veng tana mi ṭhahnem ngai a ni tur a ni a, veng mualpho a phal ngai lovang. Thlakhat chauh pawh awm se veng tana ṭhatna duhtu chu veng tana mihlun a ni. Kum tam tak awmtawh pawh nise veng tana tih neih duh lo mi chu a hlun hlawl lo.
Mihlun kan ni emaw ni lo emaw he veng hian a mamawh ber zawk chu veng hmangaihtu leh veng tana theihtawp chhuahtu te hi an ni.Sawi leh sel pawh pawisa lova veng tana thahnemngai taka thawktu te hi Veng mihlun diktak zawkte chu an ni mai lo maw? Kum engnge mawzat he vengchhungah hian i lo awm tawh pawh a ni mai thei e, Khawtlang tana thawktu mihlunlo nia i hriat te hmalakna leh hnathawh te hi veng mihlun i nihna chhuanga chung tlak taka lo sawisel mai lovin, Veng mihlun nia i inhriatna chu khawtlang hmasawnna atan rawn hmang la, veng mihlun lo nia i hriat te chu rawn kaihruai zawk ang che.Khawtlang hmasawnna tur hi tu te emaw in a an thawh bik tur pawh a ni lo va, kan zavaia kan thawh tur leh inlungrual taka hma kan lak ho na tur a ni.Ngun takin ngaihtuahna hmang la, he veng hian awmna rei tawh mihlun nia inhria, chapo taka uanpui thin ;veng tana thawk peih si lo hi a mamawh aia tam a kawl em le?
In leh lo neih vangin mihlun an ni kher lohna chhan chu an in leh lo chu hralhin an pem mai thei a, eng ang pawn awm rei tawh mah ila , he veng aia ngelngheta in bunna hmun tur an buatsaih mek pawh a ni thei. In leh lo nei lo pawh ni se lunghah tum tlat mi pawh a awm theih tho bawk.
Mi hlun chu hetiang mi hi a ni -
Veng tana mi ṭhahnem ngai a ni tur a ni a, veng mualpho a phal ngai lovang. Thlakhat chauh pawh awm se veng tana ṭhatna duhtu chu veng tana mihlun a ni. Kum tam tak awmtawh pawh nise veng tana tih neih duh lo mi chu a hlun hlawl lo.
Mihlun kan ni emaw ni lo emaw he veng hian a mamawh ber zawk chu veng hmangaihtu leh veng tana theihtawp chhuahtu te hi an ni.Sawi leh sel pawh pawisa lova veng tana thahnemngai taka thawktu te hi Veng mihlun diktak zawkte chu an ni mai lo maw? Kum engnge mawzat he vengchhungah hian i lo awm tawh pawh a ni mai thei e, Khawtlang tana thawktu mihlunlo nia i hriat te hmalakna leh hnathawh te hi veng mihlun i nihna chhuanga chung tlak taka lo sawisel mai lovin, Veng mihlun nia i inhriatna chu khawtlang hmasawnna atan rawn hmang la, veng mihlun lo nia i hriat te chu rawn kaihruai zawk ang che.Khawtlang hmasawnna tur hi tu te emaw in a an thawh bik tur pawh a ni lo va, kan zavaia kan thawh tur leh inlungrual taka hma kan lak ho na tur a ni.Ngun takin ngaihtuahna hmang la, he veng hian awmna rei tawh mihlun nia inhria, chapo taka uanpui thin ;veng tana thawk peih si lo hi a mamawh aia tam a kawl em le?
26 August 2012
Dawn Tisei
Tun lai hian fa neih tam a pawimawh thu tlangaupui a ni leh tan ta mek a, chhiarpui hnuhnung ber kan thlir chuan kan rama hnam chekhnawk zawk ni a lang te nasa taka an pun laiin keini Mizo bik te kan punna a tlem hle. Hei hian ngaihtuah a ti thui viau mai a, eng vanga fa neih tam hi hlau ta nge kan nih tih hi ngaihtuah ngun ngai ta chu a ni. Hetiang zela kan kal chuan kan hnam hi a him lo tih hi kan ngaihtuah thlen ngam a tul hle. Kan punna rate aia kan kiamna tam kum pawh a awm ta hial mai. India sawrkar chuan Family Planning chak takin a kalpui mek reng a, he policy hi kan ram mihring thawlna Kilometer khata mi 45 vel chauh chenna angah hi chuan zawm ve diak diak hi a remchang lo tih hi pawm a tul. Fanau malsawmna hi kan duh thu a neia nei lo thei kan ni lo va, a petu Pathian hian kan chawm theih tawk tur chu a hria ang tih te hi pawm theih a ngai a ni. Nu leh pa kan nep luat vanga fanau pawh nei mumal ngam lo kan nih leh lek phei chuan ngun leh zuala kan in ngaihtuah a hun hle a ni. Fa nei tlem apiang hi chhungkaw changkang leh hlim an ni hauh lo mai ni lovin chhungkaw rual awhawm tak tak sawi tur hi an thahnem zawk hial em aw tih tur a ni. Khawvel huap leh kan Zoram khawvel mai pawh hi han thlir ila, mi ropui leh chhuanawm kan tih zingah hian fapa mal fanu mal aiin unau rual tak atanga rawn chawr chhuak an thahnem hle a ni. Kan chhehvela hnam chekhnawk te an pun zel si chuan kan ram kan luah sen loh te hi min la rawn luah khalh lovang tih hi sawi ngam har tak a ni. Inner Line Permit hmang ringawta kan inven theih loh hun hi ala thleng thei tih hi kan hriat a tul hle bawk. Tun atang hian nula leh tlangval nupui pasal la nei tur zawng zawng pawhin ngaihtuahna helam kawngah hian seng thar leh ila, fa tlemte neih hi kan ram leh hnam tan hian a him reng dawn lo tih hi i hre nawn leh teh ang u.
19 August 2012
Dawn Tisei
Hringnun ah hian harsatna leh manganna te, lungngaihna leh beidawnna ten hmun nasa takin a luah thin a, tamtak hi keimah nin kan insiam chawp thilte a ni thin. Hlimna kan duh a kan zawng a, hlimna kan zawnna lamah hian lungngaihna tamtak kan tawh phah thin ani.He khawvela kan chen chhung hian kan nun kan uluk a pawimawh hle mai.Engngemaw kan pumpelh theih reng kan insumtheih loh avanga mahni nun ti chhe ta vek te, thil ho te avanga mahni nun hial la duh te pawh mizo te zingah kan va tam ta em.Tuna he hringnun hmang mek te hi chuan kan nun uluk ila,kan thiltih sual avanga lungngai a beidawng mai lovin huaisen takin kan hma a harsatna hmachhawn ila, engtik ni ah emaw chuan kan tan hlimna ni a herchhuak ve ngei ang.Hlimna hi a zawnna hmun dikah zawng la, ruihtheihthil leh mipat hmeichhiatna hman khawlohna leh sum leh paia duhamna ah hian hlimna tluantling leh lungawina famkim a awmlo ani tih hi theihnghil ngai suh ang che.Midangte tana malsawmna ni turin in buatsaih la,taimakna leh tumruhna nen he hringnun hi hmachhawn ang che, tichuan i beisei hlimna leh lungawina famkim chu i hmu ngei ang.Mi taima leh thawk tam a piang ten lungawina chu an neiin an hmu thin a, nu leh pa te thawhchhuahsa ringa nawmchen tum leh mi thatchhia ten hlimna leh lungawina famkim an nei ve thei ngailo a ni. Hlimna leh lungawina i duh a, i zawng a nih chuan a zawnna hmun tur hria ang che.
12 August 2012
Dawn Tisei
Nupui pasal kan inzawn dân hi han chhut chian tak tak chuan nupa ṭhenkhat hi chu fanau malsawmna dawng tl^k kan ni lova, chhungkaw din tur pawhin kan ngaihtuahawm lam hrat chu a ni. Fa leh chhungkua aia Zu leh ruihhlo hmangaih zawk tlat kan ṭhahnem hle niin a lang. Tin, mi ṭhenhkat chu nupui pasal zawn kawngah kan hmanhmawh lu hret bawk. Chhungkhat laina hnaite ngei pawhin thla khat pawh in nei thei lo tura an hmuhte pawh hian kan it huai nge kan nei ve leh chawt zel chu a nih hi! Mahni nu leh pate nupui pasal min neih sak turin kan nawr inthlahrung chuang miah lo. Inneih hian fa neih hi kan hmabak chu a ni nameuh mai, chutih rual chuan kan dinhmun a zira neih chutih rual chuan kan dinhmun a zira neih rih loh ngam pawh a finthlak châng a awm fo. Fa nei tur hian ka kawppui nen hian kan inhmangaih tawk reng em? Harsatna engpawh lo thleng se kan inthlamuanpui thei zel dawn em? Kan fanaute rual awt lutuk lovin kan siam thei ang em? tih thlenga ngaihtuah thlen hi zawng chhang chi a ni. Fa neih chungchangah hian a paitu hi an pawimawh hle a, Pasal duk dak lêm lo an neih chuan rilru hah avangin an fapai duhthusamin a ṭha lo fo ṭhin. Chutiang taka kan nupuite kan siam thei lo a nih chuan fa bawrhsawm deuh kan nei palh a ni pawhin a hringtu nu ngawt puhmawh chi a ni hauh lo. Heng avang hian fa piangsual leh nauchhiat a tam hle niin mithiamte chuan an sawi nghe nghe. A tawp berah chuan fa kan nei ngam a nih chuan enkawl zirtir leh mi hmantlak ni tura chher a ngai. Kristian chhungkua kan ramin kan buaipui em em te hi fa neih hma aṭanga kan din ṭan anih loh chuan khua kan tlai awl hle a ni tih pawh theihnghlih loh a ṭha khawp mai.
5 August 2012
Dawn Tisei
“Vengchhung Aw” lamah thahnemngaihna aw ni fahmiang, kan NGO te thawh hina thatloh thu sawi a awm ta zauh zauh mai. He thil hi tak tak a nih chuan he khawtlang hian hma a sawn chak thei lovang tih a rinawm. Kar kalak a zawh hma ngai hian hetiang boruak awm hi siamthat thuai a ngai a ni. He khawtlanga NGO hrang hrangte hi a din chhan chu he khawtlang tan vek a ni, chutihrual chuan eng emaw avangin khawtlang tana thawk theuh theuh pawh inhmuhmawh a awm thei ve tho mai. Mihring kan nih avangin hetiang thil hi a lo thleng palh anih pawhin a siamtha theitu pawh midang ni lovin keimahni chauh kan ni. He khawtlang a kan hruaitu ber Local Council lam pawh hian a thuikhawm hna an thawh a tul. Pawl hrang hrang awm ve ta chu ngaihdan hrang chu a awm ve tur chu a ni. Hetiang thil a lo thlen palh a nih chuan inrel mai lova dawhkan khat kila sawitlan thin te hi buaina chihfel dan tha tak pakhat a ni. Tin, pawl hrang hrang hian he khawtlang tana kan thawhna kawngah inpawh tlan deuh deuh kan mamawh. Pawl dang ngaihdan tur ngaihtuah map lova thuvuakthlak chin fo te hian innghirnghona chawk chhuaktu a ni duh hle bawk. He khawtlanga kan hruaitu lu ber kan Local Council lam hian pawl hrang hrangte kohkhawm zaite hi relthei se kan inpawhna a tha sawt thei ang em? Nge, mahni kal kal hian kal ila kan thatpui zawk ang le? he ngaihdan hi chu a chhiartute chhan atan dah ila. Kan han sawi tum ber chu he khawtlang hmangaiha, tha leh tui, Sum leh pai pawh lo seng thin pawl hrang hrangte hian lungrual leh inngaih taka ke kan pen ho phawt chuan khawtlang nuam leh hmasawn kan siam thei ngei in a rinawm tih hi a ni.
