SUNDAY ZING LEH KAN CHHUNGKUA!

-Zomama

Mizote Kristian kan nih hnulama Sunday zing pawimawh tak zia leh chhungkua kan buai ṭhin si zia hi thilmak zinga chhiar tel tlak em chu nilo mahse ngaituah ti tam tu chu a ni ve chiang mai! Chhungkaw chhangchhe ber aṭanga a hulhar ber thlengin kan buai? Ni e, keini chhungkaw tân pawh hian hnathawh chawlhni a nih rualin kan chawlh lohni ber ni zawk te hian ka hria? Sunday zing buai hi Saturday (Inrinni) tlai aṭangin a inmung tana, Sunday zing chawhmeh buaipuiin chhungkaw pa ber vawksa tha zawngin, chhungkaw nuberte duh ang lei loh hlauvin kan vei vut vut mai a nih hi maw! Chumai a la ni lo, fate thawhlawm thawhtur ti nawia patlingin pawisa nawi kan zawn tak ruk ruk zing awm chhun a ni hial lo maw?

KEINI PAWH
Mi chhia tih takah keini chhung hi Sunday zing  thawhhma thiam lo tak mai kan ni. Chawlhni a ni dawn tih hre ran in Inrinni zan kan han meng chiam phawt a, eng phei chu kan men chhuah lem law. Chawkawri leh Code red serial en hian zan dar 10 hi kan thleng ziah mai. Nu berin  Remote controll hum paha kuhva a thial biah biah tawh chuan kan chhungkuain kan tang tih sawi ngailova hriatsa a ni. Pa berin  Mobile phone khawih nuap nuap paha nu ber a backup that chuan fate tan chuan thlamuang taka men chiam a ni tawh mai.

KAN FATE
Te bera aṭanga lian ber thleng hian zan men thei viau e tilo chuan zing thawhhma hi kan thei phian lawi a! Zing dar ruk vel atanga sunday thawmhnaw lo inbel ta ap mai te, ‘tukin zing chu ka tawngtai hun’ lo ti ngat ngat tawk te kan awm hi vanneihna nge vanduaina ni dawn ni? zing thawhhlim atangin nu berin  fate zun leh ek thianin zingthawh bul an tan a,  fate zun leh ek then paha nuberin eirawng a bawl hi a tui duh bik ni maw! Chutih laiin thenkhat an lo invel tap! naupang tap na na chu hnap tlak per pur chang an lo nei a, chawi barna lam ngeia nu berin naupang hnap ansawk hlawih mai ruala a pawnfen hman thiamah an tat fai ang nawk nawk  te hi a hrisel a ni chek ang kan chhungkua hian kan la damloh phah lo tlat! 

Chhung inkhawm mawlh mai hi ni buaithlak thin, inti thupui fun takin pa ber kan ding chhuak a, dinchhuah rualin ‘tumah Bible chhiar laiin bengchhen loh tur’ sawi zawh rual rualin “ A pa min pawm” pakhatin a lo ti, naupawm chunga Bible chhiarte hi tihthan zu awm hek lova! Tunah Lalbiakna kan sawi ang tih pahin kan han ding kual thap a’ Kan Pa..’ dawhkan a ri bur.. naupang tap in a zui tak chiam tum te hi a va tam tak em!

A NEUH NEUH
Sunday zing zet hi zawng Pa berin wallet kan en tak chiam chiam leh kekawr mawng ipte kan dap zin ber zing te hi a ni ta ve ang! thawhlawm khawn lo lut lo bihruksan daih chak changte hi zu awm a mawle! Thawhlawm khawn chu sawiloh Hunthar Aw man leh Horeb man khawn lo inzui lut thin te  mai mai pawh hi lo hmuh loh der chang a awm hian kan chhungkaw dinhmun chu a ti chiang awm e a...

BUAINA RALLIAN
Sunday zing kan chhungkuain kan tuarna ber leh kan hlawkpuina ber chu nuber anhla fate nena kan ngaithlarual thei hi a ni awm e a. zing thawhlim atanga Biakin bathlar kan rahruala a tawp thei hram hi kan chhungkua chuan ngaiah kan neih deuh der mai. Biakin-a mutthluk te hi Pa ber hna nite hian ka hre deuh tlat tawh mai! mutthluk tui laia fate ninhleiin min han beng harh leh pawp thin te hi mumangfuh deuh neih chang phei chuan huat awm rum rum thei nia.

Sunday School thuzir hre reng reng loa kan thut tluan parh theih hi chuan ngaih that tur nge ngaih that loh tur hriat thiam har tak a ni. Sunday School kan han banga, thut rual puite leh thenawmte lirtheia an tlan haw sung sung laia nupuite bag leh a chhunga sahdah leh kuhva zen ruk ruk chunga nupuite kan zui haw ve thei te hi tupa thiamthil nei ang emaw te pawh kan ang awm hi ka tia.... 

Read More

MIZOTE LEH THIANGHLIMNA

-Rosangliana Fanai

    A kotu che u a thianghlim angin nangni pawh in chêt dân zawng zawngah lo thianghlim zâwk rawh u. Kei ka thianghlim si a, nangni pawh in thianghlim tûr a ni. 1 Petera 1:15-16.

Mizote hi kan pi leh pu te hunlai aṭang tawhin thianghlimna lam ngaihthah tak leh a nachang pawh hre lemlo kan ni a, kristianna in min luhchilh a, min chiah hrep hnuah pawh thianghlimna hi kan thil ngaihsak loh pawl tak leh kan thil lakzam leh pawmzam theih tak thil chu a ni ve reng reng a nih hi

Read More

HRISELNA

 -Bsa Hnamte

 

   Hriselna emaw mihring hrisel kan tih hian abikin Mizote rilruah hian tehna nghet tak mai kan nei sa deuh ni hian a hriat thin a, a tlangpui in Natna in a tihbuai loh emaw natna avang a buaina nei lo hi a ni tlangpui hian a hriat a. Mizote bik kher lo pawh khawvel hnam hrang hrangte hian hrisel kan tehdan  hi a in ang lo in, kan tehfung pawh a in ang vek kher awm lo e.
   
    Hriselna lam a khawvel pumpui min kaihruai tura pawl lian ber leh rintlak ber World Health Organisation (WHO) in hriselna a hrilhfiah dan hi i lo bihchiang i la, a theih chin chinah tehfung atan

Read More

I NU LEH I PA CHAWIMAWI RAWH

- P.c Thankima

    Exodus 20:12-ephesi 6:1-3 Inu leh i pa chawimawi rawh tichuan Lalpa i Pathianin ram apekah che hian i dam rei dawn nia,exodus ami hi ephesi ah hian kan hmu leha l. Engtinnge nu leh pa chawimawi dan chu ni ang? Ka nu leh ka pa hi ka chawimawi ani ti a au au kha anilo an thu wi kha chawimawi na chu ani.

Read More

RAM LEH KHAWTLANG KA VEI VE DAN

    Ram leh Khawtlang vei rau rau hi kan vei dan a inchen hlawm awm lo mang e tih hi ka ngaihtuah ve fo mai. A veitu kan ṭhathnem ang ai hian kan vei chhuah leh a rah kan hmuh hi chuan lung a tiawi zo mawlh lo. Kan politician tam ber hi engvangin nge politics hi i luhchilh tiin zawt ila, an chhanna tam ber tura ka rin chu ram hmangaihna avanga politics luhchilha insawi hi an ṭhathnem ber ka lo ral rin ve ngawt a. NGO hrang hranga inhmang pawh hi eng vanga hetianga inhmang nge an nih tiin zawt ila, ram leh khawtlang an hmangaih vang a hetianga inhmang an nih thu hi an sawi tam ber a nih hi ka ringhlel hauh lo. Ram leh khawtlang hmangaihtu hi vengtinah kan ṭhahnem viau a, a ram pum huap phei chuan kan ṭhahnem hle a ni tih hi phat rual a ni lo.

    Chutiang taka ram leh khawtlang hmangaihtu kan tam chuan kan ram chu ram nuam tak, hmasawnna pawh thu mai ni lova a zuana zuang awk awk tur chu a ni phawt mai. Mahse chutiang chu a tak ramah hmuh tur a awm hlei thei tlat si lo hi ka vei tak em em chu a ni. Ram hmangaitu tak tak, mahni pumpui aia ram dah pawimawh hi khawvar lam arsi ang pharh kan ni mai em ni tih hi ka ngaihtuahna luahtu chu a ni. He ram leh khawtlang hian tawngka maia hmangaihtu aiin a taka hmangaihtu a mamawh a, sawi thiam leh sawi tha aiin a taka a hmangaihna lantir thin mi a mamawh tih hi ka thu rolum a ni. Mizoram tluka a ram mipui zat anga chhuta rawngbawltu tamna hi ram danga hian an awm ka ring lo hial mai. Rawngbawltu tha tak anga kohhran bela Bilble nena kan in fam mek lai hian, kan bul maia khawsa kan thenawmte mai pawh hian ringtu tha hmuha min hmu hlei theih loh chang hi a thahnem fu thei tlat mai. Politician kan hmuh dan leh kan thlir dan mawlh hian kan nihna hi a hai lang chiang em aw ka ti thin. Mi politics-a a inhman deuh chuan dawt pawh mam taka sawi thiam leh dik lo deuha khawsak pawh hreh mang lo tura ngaihna mipui nawlpuiin kan nei ta  te hi ngaihtuah thui ngai tak a ni.  Ram hruaitu ropui tak tak te chanchin hi a hre tam ber ka ni hauh lo chungin an ropuina thuruk ni thin tlat chu mahni aia ram an hmangaihna leh ram leh hnam tana an inpekna hi khawvelin a theihnghilh theih loh chu a ni. India hnam pa Mahatma Gandhi khan in leh lo ropui tak leh sum leh pai thahnem tak a neih an sawi ka hre ngai lova, he ram leh hnam tana a ngaihtuahna zawng zawng a hmanna erawh kha chu hahipin kan sawi thin chu a nih hi.

    Mi pawisawi hlau reng reng nih ngawt te hi mi ṭha ziktluakah ka ngai thei lo fova, mi ṭha ngawi reng nih ngawt hi a hlutna ka hmu thiam lo fo bawk. Vote zawng politics vel tuipui tawk politician te hian he ram tan thil ropui tak an tih hi ka beisei ngam lo a, thil ṭha a nih chuan huai taka hmala ṭhin; a ṭul phawt chuan tlak pawh pawisa lo politician hi he ram leh khawtlang hian a mamawh ber a nih loh pawhin a mamawh ber te zinga mi chu a ni ngei ang.  Ther hlo um reng renga nun hman te hi he ram leh khawtlang ṭhanmawh bawk a ni a, chutiang mi pawh hmusit ngam lo khawpa rilru pachhia kan ṭhahnem deuh lutuk ta em aw? Sum ngah hi ropui tehna buklung atana kan hman chhung chuan ropui tak tak hmuh tik ni hi kan nei ngai lovang tih hi a hlauhawm hle. Kristian kan nihna kan chhuan viau lai hian kan nun danah erawh kristianna hian hmun laili a chang tlem hle mai. Kan insak dan te, vantlang ram kan LSC pawhin a huam reng reng loh mahni ta anga cheibawl hmiah hmiah kristian kan thathnem chhung chuan kan ram hian hmasawnna rahbi a rap thelh pheng phung dawn tih hi thil chiang tak a ni.

    Thawhrimna tel lo nawmsakna kan thlahlel a, hna thawhkawr hak zak tawk lekin kan changkang a, kohhrana inhman chu mi pangngai nihna ang chauha kan chhuah mek bawk a. Kan sum lakluh ngaihtuah miah lovin incheina man to ber ber kan inbel a, thil changkang leh chhuak thar ber ber neih hmasak inchuhin kan hmanhlel bawk a. Tlawmngaihna leh Zonun mawi kan inchhuanna ṭhin te pawh sirah kan hnawl mek bawk si. Tlaivar thei lo khawpa hrisel lo nula tlangval kan thahnem telh telh a, mut hun leh thawh hun pawh nei mumal lo ṭhalai chu phungvelh an sawi ang maiin kan pung tual tual mai bawk. Hetiang hi kan nih dan tur a ni lo tih hi kan pawma kan harh thar a ni loh chuan he ram leh khawtlang hmakhua hi ngaihtuah thui poh leh a thim ni a hriat chang ka nei fo mai. Khua a tlai hma hian harh thei lo khawpa mu nghet mai lovin kan ram leh hnam tan hian ke i pen ang u. Nang leh kei hian bul kan ṭan chu kan tihmakmawh kan kova tla a ni e.
    

Read More

ṬUAN ṬUL VANGIN

- Zotea Zote

   Ṭhangkhat vel liam ta a ka thil tawn ngaihnawm loh pui pui kha tunṭum chu i’n sawi thar leh mai mai teh ang. Thingtlang naupang, kum li dan vela vanneih hlauha Aizawl hmu ve thei hram; a chang phei chuan ṭah leh nuar fawm a Aizawl kal ngen chhuah a ngaih châng te kha hmanlai an chang mai dawn chu a nih hi! Vanapa Hall ban uluk taka kan kuah lai leh haw hnu a ṭhiante bula intithei taka han sawi nawm zia te kha aw! Thing delhloh lung delhloh nafam chu kan lo ṭhanglian ve zel a, harsatna lian tham tawk lovin zirna pawh kan chhunzawm ve bek bek kha a ni a. Mahni in lum aṭanga High School kal theih ve na na na chu chhungte’n hnathawkah min it viau mahse Fail hauh lo han inchawlh tir ngawt hrehna avangin High School chu kan chhunzawm veleh hram kha a nia.

Read More

OBAMA AGAIN

-Lalhmangaiha Renthlei

    Vote thlak lai mek a ni a, President nihtum pahnih chu, daihzai taka hun hman tumin, an thlawk pur pur a. Obama chu, Chicago khaw daia, an party office ah sawi lawk hauh lovin, a thleng hlawl mai a. An lo lawm hle. He hmun aṭang hian Mobile phone- in mite chu Vote turin a sawm a, a va phone khan an lo hre mai lo, Obama, US President ka nia, te a han ti leh rih a. A bula mite an lo nui ham ham.

An Intlar Thui : Keini vote thlak tur zawng ni ila, kan phun nasa viau ang. Darkar 3, darkar 4 te an intlar pet put a. President thlan rual hian Congress member thlangte an awm a, hmun ṭhenkhatah chuan an ballot paper pawh phek 9 ngawt, ṭawng chi 3 a ziahte a ni a, Vote thlakna pindanah pawh minute 20 chuang te an awm a ngai ṭhin.

Read More

KAN THLENG LEH TA ṬEP E

-Lr Tochhawng

    Sahmulphah Thla kan lo tleng leh ta reng mai, mitin kan thinlung lamin Bethlehem a awn leh ta niin a hriat. Ṭhenkhatte phei chu Urlawk zan a hman dan tur ringawtin an buai leh chamchi ṭan tawhin a rinawm, nu leh pa tam tak tan pawh rilru hah Thla alo thleng leh ta ṭep mai zawng a nih hi maw..ṭhenkhatte tan lah, d^kna hun alo ni vei nen, chutih lai karin miṭhenkhatte tan erawh zawng hlim leh lawm tak a amah fak nan leh intih chakna hun thla alo ni ve leh si bawk nen. He hunpui Kristiante tan leh Kristian ni ve kher lote tan a, lo thleng tur hi nghakhlel takin Tlumtea thlirin ilo thlir phawt mai teh ang.

Read More

HRING NUN HI KA DAWN ṬHIN A

- Zotea Zote

   
    Hla siamtu chuan, "Hring nun hi ka dawn ṭhin a, hlimthla ianga ral mai tur; sum leh sanna kan um hi leia damna chhan tur em ni le” tiin a mawi leh nalh zet maiin a lo phuah chhuak a. He hla hian kan nun hman mek hi eng ang chiah nge a lo nih a sawi fiah tha hle mai. Kei a kar hian ka mawl leh fin loh ang ang hian hring nun hi ka suangtuah nasa ve hle ṭhin a, a chang chuan lungngaihna chirh dup a lo ni hawt a lawm le han tih chang te, duhamna leh in pawngnekna khawvel ni hiala ka hriat chang pawh a tam khawp mai. A ral leh lam kan thlir a, nu leh pa, u leh nau leh thenrual tha tak tak te nena

Read More

I SIAMTHAR LEH ANG U

I SIAMTHAR LEH ANG U

- Maliana

    Han thlir teh um kan khawtlang hi a mawi mange. Siamtu min hmangaihna hi a va ṭha em! Malsawmna kan dawn hi engtin nge kan rulh dawn le? Kan veng ‘Hunthar’ siamṭha tur hian ‘kei heta hi ka awm e’ ti thei kan awm hi  a va hlu in a va ropui em. Tu dang kan ngaih biklohna kan veng Hunthar hi zaleng zawngte lungruala kan len na, Aw kan veng hi tudang kan ngaihloh lai hian nakin lawkah tlawmngaia thlan lai tur te, khawhar in riak tur te kan inhmuzo lo mai palh ang tih erawh a hlauhawm ka ti khawp mai.

    A chhan chu hei hi a ni; Kan ṭhalaite khawsak dan leh an nunphung ka han thlir hian khawimaw lai

Read More

MIZO INNEIH CHUNGCHANGA MUP, MHIP LEH MZP NGENNA INṬAWM

    Tunlai kan mizo inneih sawngbawl dan hian kan hnam inneih dan kalphung a pensan ta hle a. Mahni hnam nunphung leh chinṭhan kalpen san thui lutuk hi thil hlauhawm tak a ni tih hriain, he ngenna inṭawm hi mitih tan a zangkhai zawk theih nan leh Hnam dan kan zawm theih nan leh kan vawn nun zel theih nan siam a ni a. Mizo chhungkaw tinin zawm ṭheuh thei ila a lawmawm ngawt ang.

1. MO INCHEINA : Inneih ni a Mo leh a ṭhian incheina senso hi hmeichhe tum ṭhin a ni. A theihhram chuam Mizo incheina pangngaia inchei ni se.

Read More

KEININ VAI SUMDAWNG, AN NIN SAP SUMDAWNG AN HLAU

(FDI IN MULTI BRAND RETAIL HI ENGNGE?)

- Lalhmangaiha Renthlei.

    Diesel man sang, Kum khat atana Gas cylinder paruk chhûngtin tâna bithliah leh FDI (Foreign Direst Investment ) in Multi Brand Retail avangte in sorkar laipui chu a nghing dul dul mai.

    FDI in Multi Brand Retail awmzia ber chu, Foreign sumdawng lian pui pui te’n India ramah dawr an rawn hawn theihna tur a ni ber mai. India mipui hnenah direct in an rawn inzuar thei tawh dawn a ni. Hetiang lama sumdawng lian WALMART (America) angte hi chu an lian em em a. An sum virvel hi Israel, Poland leh Greece ram angte huam telin, ram 161 economy belhkhawm aiin a lian zawk a, chutiang khawpa sumdawng lian chuan India ramah dawr rawn hawng ta thluah mai se, India mi sumdawng leh dawrtu mi, khawlaia sumdawng angte hi an bet rawk rawk mai dawn a ni tiin, a lodal lam party hrang hrangte chuan an sawi a.
    Sorkar lam ve thung chuan, hetiang foreign sumdawng rawn lut hian sum virvel a titam dawn a. Hna hmulo tam takin an hmuh phah dawn a ni tiin \an an khawh ve thung. A dodal dodal lam chuan, hetiang foreign sumdawng liante hi an fing em em a, a tirah fing takin an \an a, ramchhung sumdawng tenau zawkte an dipral velah an hlawkna chauh ngaihtuahin hma an la a, an hlauhawm em em a ni. Hetiang ho in hmun an rawn khuar chuan, hna hmulo tam tak an awm phah zawk ang a, lo neitu te’n an thlai thar man hniam zawkin an hralh phah fo ang an ti. Sorkar thung chuan, lio neitu pawhin man sang zawkin an hralh phah dawn a ni an ti ve thung.

    Keinin hnam dang (Vai) sumdawng kan hlau em em a, min eiral ang kan tih ang hian Vai ho pawhin, ramdang sumdawng lian an hlau a ni ber mai. Opposition lam chuan, “Prime Minister hian Obama a hlauva, pathian angah a ngai a ni” te an ti a. America ram hausakzia leh a ropui zia, khawvel sorkar in a policy an palzut ngamloh zia a lang a ni ber mai.

Read More

CHAWIMAWI PHU NU LEH PA TE

-Mawimawii pa

     Aw le, hei thu kan han ziak ve ta phawng mai chu a ni a, kan veive zawng, veng ṭhatna (Party sawiselna rilru pu miah lo) tur a kan ziah ve lah party in sawiselna tiin Ploitical Party pakhat in min han chhang let a, rilru a buai map mai. Thu ziakmi nih ( Ka vawithum ziah ve na) hi a lova hrehawm em, ka in gaihtuah lei in ka nau Rodinmawia-Tlangval luck lo ( ka tlangval lai chu nise ka thei sem ang) in min han fuih a a lawmawm duh ngei mai. David Luiz Renthlei (Atchilh natna hmuchhuaktu) ang chuan thu ka thiam lo tih hrechiang vek in nih kha!

     Leia kan neih rohlu ber chu kan nu leh pa te hi anni a, nu leh pa kan chawimawi phawt chuan Bible a kan hmuh ang in kan dam rei dawn a ni. Tin, nu leh pa chawimawi hi Pathian thupek zawm ngei ngei tih hriat a ṭha.

    Engtin nge kan chawimawi ang?
    1. Kan nu leh pa te kan ṭanpui tur a ni: Engkim ah in lam hna te, lo lam hna te leh harsatna an tawh nikhua pawhin kan ṭanpui tur a ni. Chung kan tih chuan awlsam te in kan nu leh pa kan chawimawi a ni mai.m |hianpa Sawma (?) Renthlei hi a fakawm khawp mai. In ah awm hman love ti lovin a awm ve chhunah nu leh pa ṭanpui a, thil a unload ṭhin. Entawn a phu e.

    2. Nu leh pa zah: Hemi kawngah hian mizo te hian zirtur kan ngah khawp mai. Tunlai ah nu leh pa zah lova chhang bawng bawng ngam, an khum leh kutthlak duh ta mai te kan tam khawp mai. Tin, an damloh nikhua pawh a ṭanpui duh lo ṭawngkam ṭha rawlh duh lo kan va tam ta em! Kan in enfiah a ṭul hle mai. Kan pianhlim aṭanga duat leh hmangaih taka min chawiliantu te hian zah leh chawimawi an phu a, chuvangin kan zah a duat taka kan enkawl chuan nu leh pa kan chawimawi a lo ni reng dawn a ni. E taka! Pu JonZira te anga nupui te zah pawh hi thil ṭhatak a ni.

    Chawimawi tlakin nu leh pa te kan awm em?

    Rilru ah thu chi hrang hrang a tam a, a sei lutuk dawn a ka hriat avangin kan  kai tawi a ni. Nu leh pa chawimawi a ṭhat rualin hei hi ka rilru a lian chu a ni. “Nu leh pa te hi chawimawi  tlakin kan nung/awm em?” Nu leh pa ṭhenkhat te hi buaina siam reng nupa in hau reng, Zu in ṭhin te, fate ho nen a zu in ho ṭhin te, Pathian Biakna in a kal ngai lova zu hmun sa hmun a awm ṭhin te, chhungkaw ngaihsak lova Card deng ṭhin te, mahni inkhawm duh lova fate chauh inkhawm tura tir ṭhin te kan ni a. Hengmi te hi chawimawi tlak nu leh pa niin kan hria em? Huai takin kan ziak a nih chu. Chuvangin fate chawimawi phu, chawimawi tlaka kan awm theih nan nu leh pa te kan in enfiah a ṭul hle mai. Khua kan tlai hma ngei in heng kan han sawi tak te hi zaswm hram i tum teh ang u.

Read More

MITTHI LUMEN ZAN

-Margareth-i Pu

     Mizo te hi kan pi leh pu te aṭanga hnam in hmangaih tak leh in ngaihsak hnam kan ni ṭhin a. Tun hun thlenga kan la chhawm tamtak zingah mitthie lumen chungchang hi in ngaihtuah tlang dawn teh ang.
     Kan veng chauh pawh nilo Veng tamtak ni kan mitthi lumen dan ah hian insiamṭhatna tur leh in enletna tur hi kan nei ve in ka hre ṭhin. Veng pakhatah tun hnai mai khan ka han tlaivar ve a entawn

Read More

Tunlai Khawvel leh Ṭhalaite-2

( Kan Mizo sakhming kan sawisak dan hi)

    Ziak leh chhiar leh thu leh hla lam a mi tuihnang tha ka nih loh zia chu tuna ka thu ziah chhiartu te hian i-he lovin min pawmpui ngei ang. Amaherawhchu a tulna in min urthlu ngang a ka ngaih vang chauhin tui hnar tha chu nei lo mah ila; luipui tui fim tak pawlh nu tawk chauh in he ka tuihnar hnam ve faih faih hi in sah baw hawk teh ang. Khawnge maw  “belruak apiang a ring” an tih tak kha mawle. Kei mi mawl, bel satliah mai mai pawh nilo, belpui lian ṭha tawk tak hian ziakmi te leh fingvar zawkte sawi duh miahlo hi ^t so nan in hmang khek leh vawng vawng ang hmiang.

Read More

IN ENNAWN ANG U

    Ka va ngai em nunhlui mual liam hnu te kha, kohkir theih nise aw han kokir in ka lo ngaihsak ṭhat duh loh zirna te, ka khawlai nun uluk loh na zawng zawng te kha tun ah zawng in siam ṭhat nan khua a tlai zo ta. Kum a lo tam tual tual a, a pawi zia ka hre tam tual tual zawng a nih hi. Kan hun lai ti ve khanglang ila, kum 30 hmalam kha chuan kan Sikul kal na te kha a harsa in, ke in hla tak tak kan kal ṭhin a, tun lai ang hian Motor a la tam lo in, ke a khaw hran veng hla tak tak ah kan kal ve ṭhin a, sum leh pai a harsa in a nei fa deuh te tan lo chuan Sikul kal a har ṭhin hle.

    Nu leh pa te feh hlan a nau awm pah a Sikul kal te a ngai a, middle kal thei tur chuan in Shillong ah kal te a ngai a, a nei nung fa tan lo phei chuan harsa tak  a ni. Aw le tunlai a kan zirlai te hi kan ṭhalaite hian eng ngati nge an tih ṭhat duh loh le ka lo ti ve ṭhin a. Mahni khaw tualah, mahni vengah te zirna in a lo awm tawh a, nau awm chung a Sikul kal a ngai tawh lo bawk nen; he ti chung pawh a an zir ṭha duh lo hi eng vang nge ni ang le? Kan chenna khawvel pian ken ve reng em mi ni dawn le? A lehkha zir tam zawk a te lah hi tum mumal pawh nei lem lo in chhungte thuawih nan tiin an zir a, pawlsawm an zir thlen hma in an bansan leh a, a luhlul leh sual tawk chauh in an zir emaw tih pawh awl tak a ni. Zan ah mut na chang an hre lova zingah thawh an tum hek lo, engmah ngaihtuah mang si lo hian nupui pasal te an la innei ve leh ta nghal a, hetiang reng a kan kal chuan kan hmalam hun tur chu sawi pawh a ngam awm loh a ni. Khawimaw lai ah ṭhian te zar ah kan rui ve a, a khila tu aiin kan la pawr leh ta nghal a, kan ṭhat lai kan thawhtheih lai hun hian kan hma khua tur hi kei mahni ngei hian kan relfel a ngai a ni. Zirna  lama kan kal loh pawhin kut themthiamna lamah hma la turin theih tawp in ṭan i la thar ang u. Nitin a in hlawhfa chawp a eizawn ringawt hi chuan Nupui fanau chawm hi a harsa tawh si a. Mahni thawhchhuah ve chhun pawh dah ṭhat nachang hrelo a, khawlai a kan ruih pui hian tu mah kan ti mualpho lo, keimahni tho a ni mualpho chu ni. Khawlai a zurui au thler vak vak ṭhin te hi tuman an ngaihsan ka ring lo. Chuvangin ka ṭhalai pui te tun aṭang hian mite entawn tlak in nun tum ila, kan khawtlang zim te (Hunthar) hi  timawi a, ti hmingṭha tur in ṭan i la thar sauh sauh ang u. Mi te tan a bengchheng leh ninawm nih ai chuan, midang tan a malsawmna nih hi i tum tlang ang u.

Read More

FAK PHUTE FAK

 -Marcus Pa, Hunthar

    Pu Zozira Hunthar te ziah zawk tur niawm tak, an reh vang vang avangin ka han thai leh mai teh ang.

    Ka tihtur hrelo hawi vel mai mai in kan kawmthlang lam ah ka mit kan len thlavel a, JCB in lei a lo lai rum vut vut mai ka zuk hmu chu ka hawisawn thei ta reng reng lo mai a, hmuhnawm ka lo ti ve hle mai. A laihna lai lah chu kan veng Middle School kawtlai khu a ni a, engvanga lai ngemaw a nih le tiin ka ngaihtuah neuh neuh a, hre tur awma ka hriat be pawp nghalin chinchang ka zawt nghal a, a lawmawm kher mai. Min hrilhtu min hrilh dan chuan kan veng Volleyball court tur a ni awm e.

    Awle, kan veng hian larna riau pakhat (1) kan neih ve chhun chu Volleyball thiam veng ti a mi min hriat hi a ni awm e. Amaherawh chu hun engemaw ti aṭang khan kan tlahniam in 2nd division kan ni pha ṭawk a. Hmun tam taka Champion ṭhin, thiamber ṭhin kha 1st Division ah pawh kan khel pha tawh lo hi hnungtawlhna nasa tak a ni. Thiamber veng ni leh tur chuan nasa taka ṭan lak a ngai hriain ‘Club’ te in din ṭha leh in players te pawh an in buatsaih nasa a, amaherawh chu Court ber kan neih siloh chuan hmasawn a har khawp ang le. Mahse tun ah chuan kan harsatna ber court kan neih theih na turin kan veng Middle School Head Master Pu Lianthangpuia, kan veng tlangval ni ṭhin kleh a thawhpuite kan veng pa veng hmangaihtute  PuH.lalropuia, Pu B. Thangkunga, Pu.Sangsiama te leh an thawhpui Vengdang mi te pawh ( an hming ziahlan loh te pawh) an vaiin an ngatuahna te School naupang tan chauh ni lova, veng chhung Colleyball ngaina tute hre reng chunga hetiang ngaihtuahna an nei hi fak phu ngawih ngawih te an ni ka ti a, fak mawlh mawlh hi an phu a ni.

    Tin, he thil tih puitlin a nih theih nan a JCB a thlawn liau liaua hman tirtu Pu Lalmalsawma Sailo (Pu Tetea), hman ata tawh kan vengpa nih tling chuan a khawl (JCB) ui hauh lova vengchhung leh khawtlang tan, abik in Volleyball ngaina tute tan a rawn thawhchhuahpui hi a fakawmin theihnghilh theih mai mai theih chi niin ka hre lova, a senso tam dan turte, an nikhat (1day) hlawh tam ṭhin dante ka ngaihtuahin a holh nasa in ka ring a, mahse khawtlang tan ti a ui hauh lova a JCB a hman tir hi Veng hmangaihna rilru a pu lian hle in ka hria a, ropui ka ti hle bawk a ni. Hetiang Vengpa nihtling hi mi engemaw zat nei ilang kan veng in hma kan sawn lehzual ngei ang tih hi ka rinh tlat a ni. Hnaṭha thawktu chuan fak a phu a ni.

“Fak phute kan la fak lehzual ang.”

Read More

HUNTHAR CONSUMER BRANCH TIH CHAK A TUL

HUNTHAR CONSUMER BRANCH TIH CHAK A TUL

 - Mama Pu

Inverter ṭhalo lei tir vangin `800/- chawi tir, Seventh Day Adventist Kohhran, Sialsuk chuan 2010 khan ab Biak In-a hman tur M/s Electric House, Dawrpui aṭanga Inverter thar an lei chu a chhiat avangin an khing a, Dawr neitute hian `8000/- an chawi. Handset ṭhalo Spartech Mall, Dawrpui South aṭanga an hralh, a leitu Lalrindika Tuikual South in a khin avangin `5000/- dawr neitu ten an chawi bawk a. Tin, NANO Car siamṭhatsak loh vangin National Business Enterprises, Khatla te chuan a khingtu Dr.Aichhunga Champhai hnenah 5000/- an chawi bawk a ni. (Source- Consumer Chhantu).
    Mi zawng zawng hi Consumer kan ni vek mai a. Mahse, kan dikna leh chanvo kan hriat tawk loh avang hian namnul kan ni leh ṭhin a, engemaw tak hi chu kan hlohin kan chan ṭhin a ni tih hi a lang reng mai. A chunga tarlan te pawh khian an dikna leh chanvo an humhalh ṭha hle a, an fakawm hle a ni. Dawr neitu te laka Unfair Trade Practice Act in min humhalhna an tilang ngam a ni. Mithiam ten, “Dan hriat loh hi zahzel a tling lo” an lo ti ve bawk si a. Dan kan hriat loh avang hian kan him dawn chuanglo tihna a nih chu. Kan lungawi lohna te hi ngawih bo pui lovin, tih lan zel a, a ṭul phei chuan Consumer Forum ah te theln zel chin hi a ṭha hle.
    Ho mai mai anga lang, entirnan- Printed Price aia sanga thil hralh te, buk tling lova thil hralh te, Gas emaw Retailer pawh nise DAN kalh vek a ni. Sumdawng ten an advertisment nen- a inmil lo a thil an tih chuan khin theih a ni a. Dawrkai te hian minlo ngaihsakin minlo bengkhawn tur a ni a. An dawr a kan thil zawh reng reng kha kan hriat duh angte min hrilh kha an bat a ni. Damdawi zuarte pawn damdawi thi min lei tir tur a ni lova. Doctor te pawn damdawi thi in min enkawl tur a ni lo bawk a ni. Alu zuartute pawn an alu zawrh lai kha a lian lian thlan an phallo ngawt thei lo a ni. Consumer kan nihna anga kan chanvo hrang hrang te hi kan hriat loh mai bakah, kan theihnghilh ṭhen leh ṭhin bawk si a. Ho mai mai anga lang hi kan ngaihthah fo chuan siam ṭhat leh harsa tak a ni. Heng thil chi hrang hrang hi kan hriat tur a nih bakah Consumer Protection Act, 1986 in kan dik na min humhalhsak na vek a ni. Heng bakah Weight & Measure Act te, Essential Commodities Act te ṭangkaina hriat hi a pawimawh hle a ni.
    Mizoram Consumers’ Union hi 1995 a din tawh kha niin, chumi hma pawn Mizoram Telephone Subscribers’ Union te, Mizoram Consumers’ Electric Association te, Mizoram Gas Consumers’ Union te leh Cable TV Subscribers’ Union te din alo ni fur tawh a. Heng pawl hrang hrang te hian an mahni zawnah consumer te dikna leh chanvo te humhalhin hma anlo nasa em em ṭhin a. A ṭul angin Sawrkawrah pawh rawtna chi hrang hrang an thlen ṭhin a ni. A hrang ahraia pawl hrang hrang hmalak ai chuan tiin pawl khatah inhlawm khawmin Mizoram Consumers’ Union hi alo ding ta ni.
    Mizoram Consumers’ Union Gen. Hqrs hnuaiah Hunthar Branch hi recognised a ni a. A din kum leh a ṭobul tak chu hre fumfe lo mah ila, Branch chak tak zawng a nilo deuh tih a hriat theih mai awm e. Veng ṭhenkhatah leh khaw ṭhenkhatah hi chuan Consumers’ Union te hi an chak em em a, a mimir tan an chhen fakawm ṭhin hle a ni. A nihna takah chuan Consumers’ Union te hi Voluntary organisation a ni a, hlawk duh ringawt a thil ti duh tan a sawt vak awm love. Amaherawhchu, kei mahni mimal ṭheuh tan thil ṭangkai tak a ni lawi si a, kan chanvo min humhalhsak thei tu an nih bakah kan zualko na turte an nih ve tlat na lai hi a ṭangkaina lai tak chu a ni. Kan Local Council lam te pawh hian han phurpui thei se, vantlang inkhawm te ko in, in thlan ṭhat te hi han huaihawt pui thei selang chuan a hlawk ngawt hian ka ring. Consumer lama ṭhanharhna (awareness) chak taka kal ṭhin hi veng hian kan tawn hriat ve ngei a ṭul hle a ni.

Read More

INTUAI THAR LEH A ṬUL

INTUAI THAR LEH A ṬUL
- P.C Maliana

Ziakmi nilo mah ila ka ziak ve chak a, tu huat thu chu ka sawi em lo ang chu maw ? ‘Han thlir teh u kan Zoram thingtin partin vulna ram, nungcha te tualchaina ram, a mawi mange tlang tin chawia romei leh partin vul na. Hei aia ram nuam hi awm ang maw vanhnuaiah hian ; a mawi mang e aw kan Zoram hi’ kan lo tih ṭhinna kha tunah chuan puan ang a chul zo ta. Aw ka ngai mang e, hun kalta te kha. Ko kirin hlim zai rêl ka nuam, mahse kir zai rel lovin mual a liam ta. Aw nun hlui khawiah nge maw i awm le? Aia upa zah, tlawmngaihna Zonun timawitu te kha kan vangkhua (Hunthar Veng) ah hian lâm ang lo lêt leh lul se ka va ti em... Chhiatni ṭhatni a kan nun mawi takte hi mual liam lo va ding reng turin chelh ka nuam e. He Zonun tel lo chuan kei ve teh chai hi chuan fahrah din hmun pawh ka tluk zo si lo. Aw le, kan tun lai khawvel ṭhang zelah hian tlawmngaihnate, aia upa zahnate hi a awm tawh lo ni hial hian kei ka hre ṭhin a, eng vang nge ni ta ang le? Kan YMA hruaitute zir lohah kan puh mai dawn nge ni le? Ni lul lo ve, hei hi kan zirna sikul hmasa bera kan zirtirtu nu leh pa te mawh a ni. Kan fate tih tur leh tih loh tur zirtir âi chuan, engtin nge sum leh pai hi ka neih theih ang a, fate duh zawng kan lei sak theih ang tiin kan hmanhlel a ni ber mai. Sum kan hmuh dawn phawt chuan kan fate kan hre chang tawh lo ti ila kan uâr lutuk âwm lo ve. Kawng dik kan kawhhmuh hman loh avangin humsual an dai a, a tawpah Jail bang hial an zut ta chu a nih hi! Fa rui reng mai neihte, khawtlangin an zilhhau fo ngai fa neihte hi tu pa mah hian kan duh lo. Amaherawh chu chutiang pumpelh tur chuan kan fate thu ṭha-in kan kaihruai peih hauh si lo. Fate sualnaah hian khawtlang hruaitu emaw midang tumah puhmawh tur an awm lo, nu leh pa hian kan tuh rah kan seng tih hi pawm ngam a ṭha khawp mai. Tlawngaihna leh Aia upa zahna thlahniam zelah pawh hian tudangin mawh an phur lo, nitin zantina an chenpuite bawk hi a mawhphurtu kan ni. Zirtina dawng hauh lo fa hian engvang ngawtin nge tlawmngaihna hlut zia leh Aia upa zah nachang a hriat teh lul ang, kan awmpuite emaw midang zirtir tura kan ngai a nih chuan kan hlawhchham chiang hle ang. Kan Bible chuan, “Naupang chu a kalna awm kawngah chuan zirtir ula, a upat hun pawhin a thlah lovang” tiin a lo sawi diam tawh a ni. Hawh u, vengdangte tana entawn tlak ni thei turin ṭan ila thar leh teh ang u. Kan veng aṭang hian veng dang zir tham zirlai hnutchhiah tum ila, khua a tlai hma hian chu chu kan ti thei tih i hria ang u; phengphehlepa khua kan tlai hma ngei hian kan puan ven i sawi chhing teh ang u. Nang leh kei chauh hi Hunthar Veng tihmingṭha theitu kan ni a, kan fate nungchang mawi, tlawmngaihna leh aia upa zah hi i zirtir thar sauh sauh teh ang u khai.

Read More

KA VEIZAWNG - 2

KA VEIZAWNG - 2
( Tunlai khawvel leh ṭhalaite )

-H.C. Rodinmawia

    Kum, ni leh thlate an ral zel a; rilruah Bike âiah thingphela tawlh leh facebook aiah Ar pawm rilruah a len zawkna kha hmanni mai emaw tih laiin kan Pu Mabiakate’n an chawm zawh loh tur tih hriat reng reng hraileng an awp khawm ta duah mai. Chi thlah punga he khawvel luah khat tur a khuanu thupek chu kan Pu-a hi chuan a zâwm chiang teh e. Amaherawh chu han dem ngawt theih pawh zuk ni suh, mi thupek zawm ve te !! Hraileng awi lova val kan fam ngawt tur âi chuan an la awhawm tho tho mai.

    Tunlai chhanah, a bikin \halai lamte’n kan suk thlekna lam kan uluk a pawimawh khawp mai. Mahni culture zahpui nachang hrekhawpa a mawl tawk chauhva fing kan pung zel a, mahni Mizo hming zahpui niâwm tak tak ‘Nu chhul chuak’ kan kat ta nuk mai. Ṭhing sawi nan a “ Zo ṭiah ṭiah” tih tawngkam kan chelek fo ta maite hian kan ram leh hnam kan hmusitna a ni tih pawh kan hre lo emaw ni. Khung hnamdang, Sap/ Vai etc. ho te khuan ṭhing sawi nan “a sap ṭiah ṭiah emaw a vai \iah \iah” an mahni leh mahni khu an intih i ring reng reng em? Khung kan entawn leh kan ngaihsan em em hnamdang tihdan leh khawsak phung kan lakte hi sawisel tum ka ni lova, amaherawh chu kan entawn lai tak tur hi kan thlan thiam a pawimawh hle mai. An thawh rimna leh tawrhchhel ziate, hmasawn tur a an beih nasat dante entawn lova, a nuam chin leh thehlêu chin chiah kan entawn ṭhin hi sim atan a va ṭha tak êm.

    Kan nun dan (life style) chu engpawh chu lo ni se,kan hair stylete chuan chhim leh hmar, chhak leh thlang, tluk leh dingawn pawh lo kawk raw sek sek. Kan kekawr kapte chu duh chen chen a lo fual in hnuk dawr dawr mah ila, a chh$n lamah pawh âwm chen chen pawn lo chhingin lu lang thei lo lek a chhingin kan kekawr kapte chuan kan lu khuh mah se. Kan mit te chu mitmu lang theilo lêk pawn lo dum-var-sen-duk ruih mah ila, beng, hnar leh mit beh pawh zachuang lo beh ta pawh ni ila kan ngaihtuahna leh hawiher chuan kan ram ngaihsan em em America President, Barack Obama lu tihai map thei khawp a ngaihtuahna sang leh fing kan nei tur a ni. Hnamdang hmuhchuah sa leh siamsa ring ringawt hian kan damchhung ni te tlakral tir kan tum dawn em ni? Graham Bell-a khan tunlai kan hmanlar em em telephone te kha lo hmuchuak lo mahse kan Mizo Nu chhul chhuak zingah hian hmuchhuaktu an awm tho tho ang tih hi ka ring nghet tlat a ni. Hnamdangte changkan zia leh ropui zia sawi sawi hi bansan ila, kan hnam “Mizo” hi engtin nge hnamdang te’n hnam ropuiah engtik nge min chh^l ve theih ang? Chumi tur chuan thalaite hian ke kan p>n hmasak a ngai a ni.

    Tin, heti hi a ni a, khatia khawchhak mifingte’n Jerusalem lam pan a an kal lai khan kan Mizo puite zingah mahni hnam hming sak dan hnualsuat a hnam dang tihdan chawivul tur hringmi an piang ang tih rinna ka nei lova. Hmeichhe hming niâwm tak tak mipa hming lo ni ta daih te, Company hming niâwm tak si kan mihring pui sakhming ngei lo ni ve ta nulh nulh mai te hian kei mi a nileng teirawlai ve mai mai ta chu ka chhia leh ṭha hriatna pawh hmang thiam lovin famkhua ka lâwi hmel ta riau mai. Engvangin nge kan Mizo hming sak dan hi hnualsuat tlat nge maw kan nih le? Tunlai ṭhalai tam zawk (a mâwl tawk leka zirsang ho) te hi kan hming kaihtawiah Mizo hming phuah dan ^ia hnam dang ṭawng kan chelek uar ta viau mai hian hnamdang chimral kan ni lova; keimhni leh mahni kan intiral ni ta ber hian a lang.

    Hawh u ṭhangtharte hian kan Mizo culture leh tradition hi i chawi vul thar leh ila, thawmṭhat ngai laite thawmṭha chung zelin ke i pen ang u.
“I ram leh hnam in a ^u che, a ropuina leh mawina puangchhuak turin.”

Read More